1 א   בצאת ישראל ממצרים    בית יעקב מעם לעז br

2 ב   היתה יהודה לקדשו    ישראל ממשלותיו br

3 ג   הים ראה וינס    הירדן יסב לאחור br

4 ד   ההרים רקדו כאילים    גבעות כבני-צאן br

5 ה   מה-לך הים כי תנוס    הירדן תסב לאחור br

6 ו   ההרים תרקדו כאילים    גבעות כבני-צאן br

7 ז   מלפני אדון חולי ארץ    מלפני אלוה יעקב br

8 ח   ההפכי הצור אגם-מים    חלמיש למעינו-מים

1 בְּצֵאת יִשְׂרָאֵל מִמִּצְרָיִם בֵּית יַעֲקֹב מֵעַם לֹעֵז׃

2 הָיְתָה יְהוּדָה לְקָדְשֹׁו יִשְׂרָאֵל מַמְשְׁלֹותָיו׃

3 הַיָּם רָאָה וַיָּנֹס הַיַּרְדֵּן יִסֹּב לְאָחֹור׃

4 הֶהָרִים רָקְדוּ כְאֵילִים גְּבָעֹות כִּבְנֵי־צֹאן׃

5 מַה־לְּךָ הַיָּם כִּי תָנוּס הַיַּרְדֵּן תִּסֹּב לְאָחֹור׃

6 הֶהָרִים תִּרְקְדוּ כְאֵילִים גְּבָעֹות כִּבְנֵי־צֹאן׃

7 מִלִּפְנֵי אָדֹון חוּלִי אָרֶץ מִלִּפְנֵי אֱלֹוהַּ יַעֲקֹב׃

8 הַהֹפְכִי הַצּוּר אֲגַם־מָיִם חַלָּמִישׁ לְמַעְיְנֹו־מָיִם׃