1 א   שיר המעלות לדוד br לולי יהוה שהיה לנו--    יאמר-נא ישראל br

2 ב   לולי יהוה שהיה לנו--    בקום עלינו אדם br

3 ג   אזי חיים בלעונו--    בחרות אפם בנו br

4 ד   אזי המים שטפונו--    נחלה עבר על-נפשנו br

5 ה   אזי עבר על-נפשנו--    המים הזידונים br

6 ו   ברוך יהוה--    שלא נתננו טרף לשניהם br

7 ז   נפשנו--    כצפור נמלטה מפח יוקשים br הפח נשבר    ואנחנו נמלטנו br

8 ח   עזרנו בשם יהוה--    עשה שמים וארץ

1 שִׁיר הַמַּעֲלֹות לְדָוִד לוּלֵי יְהוָה שֶׁהָיָה לָנוּ יֹאמַר־נָא יִשְׂרָאֵל׃

2 לוּלֵי יְהוָה שֶׁהָיָה לָנוּ בְּקוּם עָלֵינוּ אָדָם׃

3 אֲזַי חַיִּים בְּלָעוּנוּ בַּחֲרֹות אַפָּם בָּנוּ׃

4 אֲזַי הַמַּיִם שְׁטָפוּנוּ נַחְלָה עָבַר עַל־נַפְשֵׁנוּ׃

5 אֲזַי עָבַר עַל־נַפְשֵׁנוּ הַמַּיִם הַזֵּידֹונִים׃

6 בָּרוּךְ יְהוָה שֶׁלֹּא נְתָנָנוּ טֶרֶף לְשִׁנֵּיהֶם׃

7 נַפְשֵׁנוּ כְּצִפֹּור נִמְלְטָה מִפַּח יֹוקְשִׁים הַפַּח נִשְׁבָּר וַאֲנַחְנוּ נִמְלָטְנוּ׃

8 עֶזְרֵנוּ בְּשֵׁם יְהוָה עֹשֵׂה שָׁמַיִם וָאָרֶץ׃