1 א   לדוד  אודך בכל-לבי    נגד אלהים אזמרך br

2 ב   אשתחוה אל-היכל קדשך    ואודה את-שמך-- br על-חסדך    ועל-אמתך br כי-הגדלת על-כל-שמך    אמרתך br

3 ג   ביום קראתי ותענני    תרהבני בנפשי עז br

4 ד   יודוך יהוה כל-מלכי-ארץ    כי שמעו אמרי-פיך br

5 ה   וישירו בדרכי יהוה    כי-גדול כבוד יהוה br

6 ו   כי-רם יהוה ושפל יראה    וגבה ממרחק יידע br

7 ז   אם-אלך בקרב צרה--    תחיני br על אף איבי תשלח ידך    ותושיעני ימינך br

8 ח   יהוה יגמר בעדי    יהוה חסדך לעולם מעשי ידיך אל-תרף

1 לְדָוִד ׀ אֹודְךָ בְכָל־לִבִּי נֶגֶד אֱלֹהִים אֲזַמְּרֶךָּ׃

2 אֶשְׁתַּחֲוֶה אֶל־הֵיכַל קָדְשְׁךָ וְאֹודֶה אֶת־שְׁמֶךָ עַל־חַסְדְּךָ וְעַל־אֲמִתֶּךָ כִּי־הִגְדַּלְתָּ עַל־כָּלשִׁ־מְךָ אִמְרָתֶךָ׃

3 בְּיֹום קָרָאתִי וַתַּעֲנֵנִי תַּרְהִבֵנִי בְנַפְשִׁי עֹז׃

4 יֹודוּךָ יְהוָה כָּל־מַלְכֵי־אָרֶץ כִּי מְעוּ אִמְרֵי־פִיךָ׃

5 וְיָשִׁירוּ בְּדַרְכֵי יְהוָה כִּי גָדֹול כְּבֹוד יְהוָה׃

6 כִּי־רָם יְהוָה וְשָׁפָל יִרְאֶה וְגָבֹהַּ מִמֶּרְחָק יְיֵדָע׃

7 אִם־אֵלֵךְ ׀ בְּקֶרֶב צָרָה תְּחַיֵּנִי עַל אַף אֹיְבַי תִּשְׁלַח יָדֶךָ וְתֹושִׁיעֵנִי יְמִינֶךָ׃

8 יְהוָה יִגְמֹר בַּעֲדִי יְהוָה חַסְדְּךָ לְעֹולָם מַעֲשֵׂי יָדֶיךָ אַל־תֶּרֶף׃