1 א   למנצח בנגינות מזמור לדוד br

2 ב   בקראי ענני אלהי צדקי--בצר הרחבת לי    חנני ושמע תפלתי br

3 ג   בני איש עד-מה כבודי לכלמה--תאהבון ריק    תבקשו כזב סלה br

4 ד   ודעו--כי-הפלה יהוה חסיד לו    יהוה ישמע בקראי אליו br

5 ה   רגזו ואל-תחטאו    אמרו בלבבכם על-משכבכם ודמו סלה br

6 ו   זבחו זבחי-צדק    ובטחו אל-יהוה br

7 ז   רבים אמרים מי-יראנו-טוב    נסה עלינו אור פניך יהוה br

8 ח   נתתה שמחה בלבי    מעת דגנם ותירושם רבו br [ (Psalms 4:9) ט   בשלום יחדו אשכבה ואישן    כי-אתה יהוה לבדד לבטח תושיבני ]

1 לַמְנַצֵּחַ בִּנְגִינֹות מִזְמֹור לְדָוִד׃

2 בְּקָרְאִי עֲנֵנִי ׀ אֱלֹהֵי צִדְקִי בַּצָּר הִרְחַבְתָּ לִּי חָנֵּנִי וּשְׁמַע תְּפִלָּתִי׃

3 בְּנֵי אִישׁ עַד־מֶה כְבֹודִי לִכְלִמָּה תֶּאֱהָבוּן רִיק תְּבַקְשׁוּ כָזָב סֶלָה׃

4 וּדְעוּ כִּי־הִפְלָה יְהוָה חָסִיד לֹו יְהוָה יִשְׁמַע בְּקָרְאִי אֵלָיו׃

5 רִגְזוּ וְאַל־תֶּחֱטָאוּ אִמְרוּ בִלְבַבְכֶם עַל־מִשְׁכַּבְכֶם וְדֹמּוּ סֶלָה׃

6 זִבְחוּ זִבְחֵי־צֶדֶק וּבִטְחוּ אֶל־יְהוָה׃

7 רַבִּים אֹמְרִים מִי־יַרְאֵנוּ טֹוב נְסָה־עָלֵינוּ אֹור פָּנֶיךָ יְהוָה׃

8 נָתַתָּה שִׂמְחָה בְלִבִּי מֵעֵת דְּגָנָם וְתִירֹושָׁם רָבּוּ׃

9 בְּשָׁלֹום יַחְדָּו אֶשְׁכְּבָה וְאִישָׁן כִּי־אַתָּה יְהוָה לְבָדָד לָבֶטַח תֹּושִׁיבֵנִי׃