1 א למנצח מזמור לדוד br
2 ב שמע-אלהים קולי בשיחי מפחד אויב תצר חיי br
3 ג תסתירני מסוד מרעים מרגשת פעלי און br
4 ד אשר שננו כחרב לשונם דרכו חצם דבר מר br
5 ה לירת במסתרים תם פתאם ירהו ולא ייראו br
6 ו יחזקו-למו דבר רע-- יספרו לטמון מוקשים br אמרו מי יראה-למו br
7 ז יחפשו עולת-- תמנו חפש מחפש br וקרב איש ולב עמק br
8 ח וירם אלהים חץ פתאום--היו מכותם br
9 ט ויכשילוהו עלימו לשונם יתנדדו כל-ראה בם br
10 י וייראו כל-אדם ויגידו פעל אלהים ומעשהו השכילו br [ (Psalms 64:11) יא ישמח צדיק ביהוה וחסה בו ויתהללו כל-ישרי-לב ]
1 לַמְנַצֵּחַ מִזְמֹור לְדָוִד׃
2 שְׁמַע־אֱלֹהִים קֹולִי בְשִׂיחִי מִפַּחַד אֹויֵב תִּצֹּר חַיָּי׃
3 תַּסְתִּירֵנִי מִסֹּוד מְרֵעִים מֵרִגְשַׁת פֹּעֲלֵי אָוֶן׃
4 אֲשֶׁר שָׁנְנוּ כַחֶרֶב לְשֹׁונָם דָּרְכוּ חִצָּם דָּבָר מָר׃
5 לִירֹות בַּמִּסְתָּרִים תָּם פִּתְאֹם יֹרֻהוּ וְלֹא יִירָאוּ׃
6 יְחַזְּקוּ־לָמֹו ׀ דָּבָר רָע יְסַפְּרוּ לִטְמֹון מֹוקְשִׁים אָמְרוּ מִי יִרְאֶה־לָּמֹו׃
7 יַחְפְּשׂוּ־עֹולֹת תַּמְנוּ חֵפֶשׂ מְחֻפָּשׂ וְקֶרֶב אִישׁ וְלֵב עָמֹק׃
8 וַיֹּרֵם אֱלֹהִים חֵץ פִּתְאֹום הָיוּ מַכֹּותָם׃
9 וַיַּכְשִׁילוּהוּ עָלֵימֹו לְשֹׁונָם יִתְנֹדֲדוּ כָּל־רֹאֵה בָם׃
10 וַיִּירְאוּ כָּל־אָדָם וַיַּגִּידוּ פֹּעַל אֱלֹהִים וּמַעֲשֵׂהוּ הִשְׂכִּילוּ׃
11 יִשְׂמַח צַדִּיק בַּיהוָה וְחָסָה בֹו וְיִתְהַלְלוּ כָּל־יִשְׁרֵי־לֵב׃