1 א תהלה לדוד br ארוממך אלוהי המלך ואברכה שמך לעולם ועד br
2 ב בכל-יום אברכך ואהללה שמך לעולם ועד br
3 ג גדול יהוה ומהלל מאד ולגדלתו אין חקר br
4 ד דור לדור ישבח מעשיך וגבורתיך יגידו br
5 ה הדר כבוד הודך-- ודברי נפלאתיך אשיחה br
6 ו ועזוז נוראתיך יאמרו וגדלותיך (וגדלתך) אספרנה br
7 ז זכר רב-טובך יביעו וצדקתך ירננו br
8 ח חנון ורחום יהוה ארך אפים וגדל-חסד br
9 ט טוב-יהוה לכל ורחמיו על-כל-מעשיו br
10 י יודוך יהוה כל-מעשיך וחסידיך יברכוכה br
11 יא כבוד מלכותך יאמרו וגבורתך ידברו br
12 יב להודיע לבני האדם--גבורתיו וכבוד הדר מלכותו br
13 יג מלכותך מלכות כל-עלמים וממשלתך בכל-דור ודר br
14 יד סומך יהוה לכל-הנפלים וזוקף לכל-הכפופים br
15 טו עיני-כל אליך ישברו ואתה נותן-להם את-אכלם בעתו br
16 טז פותח את-ידך ומשביע לכל-חי רצון br
17 יז צדיק יהוה בכל-דרכיו וחסיד בכל-מעשיו br
18 יח קרוב יהוה לכל-קראיו-- לכל אשר יקראהו באמת br
19 יט רצון-יראיו יעשה ואת-שועתם ישמע ויושיעם br
20 כ שומר יהוה את-כל-אהביו ואת כל-הרשעים ישמיד br
21 כא תהלת יהוה ידבר-פי ויברך כל-בשר שם קדשו--לעולם ועד