2 ב בך-יהוה חסיתי אל-אבושה לעולם בצדקתך פלטני br
14 יד ברוך תהיה מכל העמים לא יהיה בך עקר ועקרה ובבהמתך
7 ז ובני ישראל פרו וישרצו וירבו ויעצמו--במאד מאד ותמלא הארץ אתם {פ}
2 ב גבור בארץ יהיה זרעו דור ישרים יברך br
2 ב שמעה אלהים רנתי הקשיבה תפלתי br
13 יג כי אפפו-עלי רעות עד-אין מספר-- br השיגוני עונתי ולא-יכלתי לראות br עצמו משערות ראשי ולבי עזבני br
9 ט מושיבי עקרת הבית-- אם-הבנים שמחה br הללו-יה
15 טו הלא-בבטן עשני עשהו ויכננו ברחם אחד br
23 כג לא ייגעו לריק ולא ילדו לבהלה כי זרע ברוכי יהוה המה וצאצאיהם אתם
15 טו וקראני ביום צרה אחלצך ותכבדני br
13 יג כי-חזק בריחי שעריך ברך בניך בקרבך br
13 יג כי-אתה קנית כליתי תסכני בבטן אמי br
14 יד כי בי חשק ואפלטהו אשגבהו כי-ידע שמי br
29 כט נתן ליעף כח ולאין אונים עצמה ירבה
30 ל ויעפו נערים ויגעו ובחורים כשול יכשלו
31 לא וקוי יהוה יחליפו כח יעלו אבר כנשרים ירוצו ולא ייגעו ילכו ולא ייעפו {ס}
5 ה בטרם אצורך (אצרך) בבטן ידעתיך ובטרם תצא מרחם הקדשתיך נביא לגוים נתתיך
3 ג הנה נחלת יהוה בנים שכר פרי הבטן br
7 ז זה עני קרא ויהוה שמע ומכל-צרותיו הושיעו br
25 כה מאל אביך ויעזרך ואת שדי ויברכך ברכת שמים מעל ברכת תהום רבצת תחת ברכת שדים ורחם
17 יז ישישו וישמחו בך-- כל-מבקשיך br יאמרו תמיד יגדל יהוה-- אהבי תשועתך br [ (Psalms 40:18) יח ואני עני ואביון-- אדני יחשב-לי br עזרתי ומפלטי אתה אלהי אל-תאחר ]
11 יא כרעה עדרו ירעה בזרעו יקבץ טלאים ובחיקו ישא עלות ינהל {ס}
21 כא יד ליד לא-ינקה רע וזרע צדיקים נמלט br
3 ג כי אצק מים על צמא ונזלים על יבשה אצק רוחי על זרעך וברכתי על צאצאיך
4 ד וצמחו בבין חציר כערבים על יבלי מים
7 ז בטרם תחיל ילדה בטרם יבוא חבל לה והמליטה זכר
9 ט האני אשביר ולא אוליד יאמר יהוה אם אני המוליד ועצרתי אמר אלהיך {ס}
19 יט יקדמוני ביום-אידי ויהי-יהוה למשען לי br