1 קומי אורי כי בא אורך וכבוד יהוה עליך זרח ׃
13 כי־אתה קנית כליתי תסכני בבטן אמי ׃
14 אודך על כי נוראות נפליתי נפלאים מעשיך ונפשי ידעת מאד ׃
27 ויברא אלהים את־האדם בצלמו בצלם אלהים ברא אתו זכר ונקבה ברא אתם ׃
8 יבש חציר נבל ציץ ודבר־אלהינו יקום לעולם ׃ ס
30 שקר החן והבל היפי אשה יראת־יהוה היא תתהלל ׃
7 השבעתי אתכם בנות ירושלם בצבאות או באילות השדה אם־תעירו ואם־תעוררו את־האהבה עד שתחפץ ׃ ס
7 ויאמר יהוה אל־שמואל אל־תבט אל־מראהו ואל־גבה קומתו כי מאסתיהו כי לא אשר יראה האדם כי האדם יראה לעינים ויהוה יראה ללבב ׃