Confiar no Senhor

12 כי שמש ומגן יהוה אלהים חן וכבוד יתן יהוה לא ימנע־טוב להלכים בתמים ׃

7 ברוך הגבר אשר יבטח ביהוה והיה יהוה מבטחו ׃

8 והיה כעץ שתול על־מים ועל־יובל ישלח שרשיו ולא ירא כי־יבא חם והיה עלהו רענן ובשנת בצרת לא ידאג ולא ימיש מעשות פרי ׃

5 בטח אל־יהוה בכל־לבך ואל־בינתך אל־תשען ׃

6 בכל־דרכיך דעהו והוא יישר ארחתיך ׃

4 בטחו ביהוה עדי־עד כי ביה יהוה צור עולמים ׃

1 שיר המעלות הבטחים ביהוה כהר־ציון לא־ימוט לעולם ישב ׃

2 ירושלם הרים סביב לה ויהוה סביב לעמו מעתה ועד־עולם ׃

10 ויהי יהוה משגב לדך משגב לעתות בצרה ׃

4 ויתן בפי שיר חדש תהלה לאלהינו יראו רבים וייראו ויבטחו ביהוה ׃

1 ישב בסתר עליון בצל שדי יתלונן ׃

2 אמר ליהוה מחסי ומצודתי אלהי אבטח־בו ׃

3 כי הוא יצילך מפח יקוש מדבר הוות ׃

4 באברתו יסך לך ותחת־כנפיו תחסה צנה וסחרה אמתו ׃

7 משמועה רעה לא יירא נכון לבו בטח ביהוה ׃

7 עתה ידעתי כי הושיע יהוה משיחו יענהו משמי קדשו בגברות ישע ימינו ׃

8 אלה ברכב ואלה בסוסים ואנחנו בשם־יהוה אלהינו נזכיר ׃

5 פן־יאמר איבי יכלתיו צרי יגילו כי אמוט ׃

10 אז ישובו אויבי אחור ביום אקרא זה־ידעתי כי־אלהים לי ׃

11 באלהים אהלל דבר ביהוה אהלל דבר ׃

3 בטח ביהוה ועשה־טוב שכן־ארץ ורעה אמונה ׃

4 והתענג על־יהוה ויתן־לך משאלת לבך ׃

5 גול על־יהוה דרכך ובטח עליו והוא יעשה ׃

6 והוציא כאור צדקך ומשפטך כצהרים ׃

2 הנה אל ישועתי אבטח ולא אפחד כי־עזי וזמרת יה יהוה ויהי־לי לישועה ׃

14 כי שמעתי דבת רבים מגור מסביב בהוסדם יחד עלי לקחת נפשי זממו ׃

8 טוב לחסות ביהוה מבטח באדם ׃

9 טוב לחסות ביהוה מבטח בנדיבים ׃