5 התעוף עיניך בו ואיננו כי עשה יעשה־לו כנפים כנשר ועיף השמים ׃ פ
10 וכל אשר שאלו עיני לא אצלתי מהם לא־מנעתי את־לבי מכל־שמחה כי־לבי שמח מכל־עמלי וזה־היה חלקי מכל־עמלי ׃
16 קנה־חכמה מה־טוב מחרוץ וקנות בינה נבחר מכסף ׃
14 וכי מי אני ומי עמי כי־נעצר כח להתנדב כזאת כי־ממך הכל ומידך נתנו לך ׃
4 אל־תיגע להעשיר מבינתך חדל ׃
16 טוב־מעט ביראת יהוה מאוצר רב ומהומה בו ׃
22 תאות אדם חסדו וטוב־רש מאיש כזב ׃
11 הון מהבל ימעט וקבץ על־יד ירבה ׃
2 לא־יועילו אוצרות רשע וצדקה תציל ממות ׃
22 ברכת יהוה היא תעשיר ולא־יוסף עצב עמה ׃
14 בדרך עדותיך ששתי כעל כל־הון ׃
11 הון עשיר קרית עזו וכחומה נשגבה במשכיתו ׃
4 לא־יועיל הון ביום עברה וצדקה תציל ממות ׃
16 טוב־מעט לצדיק מהמון רשעים רבים ׃
17 כי זרועות רשעים תשברנה וסומך צדיקים יהוה ׃
9 כבד את־יהוה מהונך ומראשית כל־תבואתך ׃
1 נבחר שם מעשר רב מכסף ומזהב חן טוב ׃
8 שוא ודבר־כזב הרחק ממני ראש ועשר אל־תתן־לי הטריפני לחם חקי ׃