Intimidade com Deus

24 והיה טרם־יקראו ואני אענה עוד הם מדברים ואני אשמע ׃

17 יהוה אלהיך בקרבך גבור יושיע ישיש עליך בשמחה יחריש באהבתו יגיל עליך ברנה ׃

1 למנצח משכיל לבני־קרח ׃

2 כאיל תערג על־אפיקי־מים כן נפשי תערג אליך אלהים ׃

3 קרא אלי ואענך ואגידה לך גדלות ובצרות לא ידעתם ׃ ס

1 הוי כל־צמא לכו למים ואשר אין־לו כסף לכו שברו ואכלו ולכו שברו בלוא־כסף ובלוא מחיר יין וחלב ׃

2 למה תשקלו־כסף בלוא־לחם ויגיעכם בלוא לשבעה שמעו שמוע אלי ואכלו־טוב ותתענג בדשן נפשכם ׃

3 הטו אזנכם ולכו אלי שמעו ותחי נפשכם ואכרתה לכם ברית עולם חסדי דוד הנאמנים ׃

4 הן עד לאומים נתתיו נגיד ומצוה לאמים ׃

5 הן גוי לא־תדע תקרא וגוי לא־ידעוך אליך ירוצו למען יהוה אלהיך ולקדוש ישראל כי פארך ׃ ס

6 דרשו יהוה בהמצאו קראהו בהיותו קרוב ׃

1 מזמור לדוד בהיותו במדבר יהודה ׃

2 אלהים אלי אתה אשחרך צמאה לך נפשי כמה לך בשרי בארץ־ציה ועיף בלי־מים ׃

3 כן בקדש חזיתיך לראות עזך וכבודך ׃

4 כי־טוב חסדך מחיים שפתי ישבחונך ׃

5 כן אברכך בחיי בשמך אשא כפי ׃

6 כמו חלב ודשן תשבע נפשי ושפתי רננות יהלל־פי ׃

7 אם־זכרתיך על־יצועי באשמרות אהגה־בך ׃

8 כי־היית עזרתה לי ובצל כנפיך ארנן ׃

9 דבקה נפשי אחריך בי תמכה ימינך ׃

10 והמה לשואה יבקשו נפשי יבאו בתחתיות הארץ ׃

11 יגירהו על־ידי־חרב מנת שעלים יהיו ׃

11 כי אנכי ידעתי את־המחשבת אשר אנכי חשב עליכם נאם־יהוה מחשבות שלום ולא לרעה לתת לכם אחרית ותקוה ׃