19 לא איש אל ויכזב ובן־אדם ויתנחם ההוא אמר ולא יעשה ודבר ולא יקימנה ׃
16 שש־הנה שנא יהוה ושבע תועבות נפשו ׃
17 עינים רמות לשון שקר וידים שפכות דם־נקי ׃
18 לב חרש מחשבות און רגלים ממהרות לרוץ לרעה ׃
19 יפיח כזבים עד שקר ומשלח מדנים בין אחים ׃ פ
1 למנצח לדוד מזמור אלהי תהלתי אל־תחרש ׃
2 כי פי רשע ופי־מרמה עלי פתחו דברו אתי לשון שקר ׃
5 עד אמונים לא יכזב ויפיח כזבים עד שקר ׃
11 לא תגנבו ולא־תכחשו ולא־תשקרו איש בעמיתו ׃
7 לא־ישב בקרב ביתי עשה רמיה דבר שקרים לא־יכון לנגד עיני ׃
22 תועבת יהוה שפתי־שקר ועשי אמונה רצונו ׃
6 פעל אוצרות בלשון שקר הבל נדף מבקשי־מות ׃
16 לא־תענה ברעך עד שקר ׃ ס
7 לא־נאוה לנבל שפת־יתר אף כי־לנדיב שפת־שקר ׃
13 שארית ישראל לא־יעשו עולה ולא־ידברו כזב ולא־ימצא בפיהם לשון תרמית כי־המה ירעו ורבצו ואין מחריד ׃ ס