Obediência aos Pais
15 ומכה אביו ואמו מות יומת ׃
15 שבט ותוכחת יתן חכמה ונער משלח מביש אמו ׃
1 בן חכם מוסר אב ולץ לא־שמע גערה ׃
8 שמע בני מוסר אביך ואל־תטש תורת אמך ׃
9 כי לוית חן הם לראשך וענקים לגרגרתיך ׃
17 עין תלעג לאב ותבוז ליקהת־אם יקרוה ערבי־נחל ויאכלוה בני־נשר ׃ פ
18 כי־יהיה לאיש בן סורר ומורה איננו שמע בקול אביו ובקול אמו ויסרו אתו ולא ישמע אליהם ׃
19 ותפשו בו אביו ואמו והוציאו אתו אל־זקני עירו ואל־שער מקמו ׃
20 ואמרו אל־זקני עירו בננו זה סורר ומרה איננו שמע בקלנו זולל וסבא ׃
21 ורגמהו כל־אנשי עירו באבנים ומת ובערת הרע מקרבך וכל־ישראל ישמעו ויראו ׃ ס
20 נצר בני מצות אביך ואל־תטש תורת אמך ׃
21 קשרם על־לבך תמיד ענדם על־גרגרתך ׃
22 בהתהלכך תנחה אתך בשכבך תשמר עליך והקיצות היא תשיחך ׃
23 כי נר מצוה ותורה אור ודרך חיים תוכחות מוסר ׃
1 שמעו בנים מוסר אב והקשיבו לדעת בינה ׃
2 כי לקח טוב נתתי לכם תורתי אל־תעזבו ׃
3 כי־בן הייתי לאבי רך ויחיד לפני אמי ׃
4 וירני ויאמר לי יתמך־דברי לבך שמר מצותי וחיה ׃
5 קנה חכמה קנה בינה אל־תשכח ואל־תט מאמרי־פי ׃
6 אל־תעזבה ותשמרך אהבה ותצרך ׃
16 כבד את־אביך ואת־אמך כאשר צוך יהוה אלהיך למען יאריכן ימיך ולמען ייטב לך על האדמה אשר־יהוה אלהיך נתן לך ׃ ס
12 כבד את־אביך ואת־אמך למען יארכון ימיך על האדמה אשר־יהוה אלהיך נתן לך ׃ ס
6 חנך לנער על־פי דרכו גם כי־יזקין לא־יסור ממנה ׃