Pais e Filhos

8 שמע בני מוסר אביך ואל־תטש תורת אמך ׃

9 כי לוית חן הם לראשך וענקים לגרגרתיך ׃

26 משדד־אב יבריח אם בן מביש ומחפיר ׃

24 גול יגול אבי צדיק יולד חכם וישמח־בו ׃

6 חנך לנער על־פי דרכו גם כי־יזקין לא־יסור ממנה ׃

22 שמע לאביך זה ילדך ואל־תבוז כי־זקנה אמך ׃

15 ואם רע בעיניכם לעבד את־יהוה בחרו לכם היום את־מי תעבדון אם את־אלהים אשר־עבדו אבותיכם אשר בעבר הנהר ואם את־אלהי האמרי אשר אתם ישבים בארצם ואנכי וביתי נעבד את־יהוה ׃ פ

16 לא־יומתו אבות על־בנים ובנים לא־יומתו על־אבות איש בחטאו יומתו ׃ ס

6 עטרת זקנים בני בנים ותפארת בנים אבותם ׃

20 מקלל אביו ואמו ידעך נרו באישון חשך ׃

12 כבד את־אביך ואת־אמך למען יארכון ימיך על האדמה אשר־יהוה אלהיך נתן לך ׃ ס

15 שבט ותוכחת יתן חכמה ונער משלח מביש אמו ׃

6 והיו הדברים האלה אשר אנכי מצוך היום על־לבבך ׃

7 ושננתם לבניך ודברת בם בשבתך בביתך ובלכתך בדרך ובשכבך ובקומך ׃

3 הנה נחלת יהוה בנים שכר פרי הבטן ׃

4 כחצים ביד־גבור כן בני הנעורים ׃

5 אשרי הגבר אשר מלא את־אשפתו מהם לא־יבשו כי־ידברו את־אויבים בשער ׃

24 חושך שבטו שונא בנו ואהבו שחרו מוסר ׃

24 על־כן יעזב־איש את־אביו ואת־אמו ודבק באשתו והיו לבשר אחד ׃

1 משלי שלמה פ בן חכם ישמח־אב ובן כסיל תוגת אמו ׃