17 שקר הסוס לתשועה וברב חילו לא ימלט ׃
18 הנה עין יהוה אל־יראיו למיחלים לחסדו ׃
19 להציל ממות נפשם ולחיותם ברעב ׃
17 שם אצמיח קרן לדוד ערכתי נר למשיחי ׃
18 אויביו אלביש בשת ועליו יציץ נזרו ׃
31 סוס מוכן ליום מלחמה וליהוה התשועה ׃
8 יהוה יגמר בעדי יהוה חסדך לעולם מעשי ידיך אל־תרף ׃
19 אם־תאבו ושמעתם טוב הארץ תאכלו ׃
20 ואם־תמאנו ומריתם חרב תאכלו כי פי יהוה דבר ׃ ס
6 צדקה תצר תם־דרך ורשעה תסלף חטאת ׃
2 אך אל־אלהים דומיה נפשי ממנו ישועתי ׃
3 רבים אמרים לנפשי אין ישועתה לו באלהים סלה ׃
9 והוא ישפט־תבל בצדק ידין לאמים במישרים ׃
22 חלקו מחמאת פיו וקרב־לבו רכו דבריו משמן והמה פתחות ׃
8 ואהיה עמך בכל אשר הלכת ואכרית את־כל־אויביך מפניך ועשיתי לך שם כשם הגדולים אשר בארץ ׃
1 שיר המעלות לשלמה אם־יהוה לא־יבנה בית שוא עמלו בוניו בו אם־יהוה לא־ישמר־עיר שוא שקד שומר ׃
11 צדקתך לא־כסיתי בתוך לבי אמונתך ותשועתך אמרתי לא־כחדתי חסדך ואמתך לקהל רב ׃
1 לדוד ברוך יהוה צורי המלמד ידי לקרב אצבעותי למלחמה ׃
2 חסדי ומצודתי משגבי ומפלטי לי מגני ובו חסיתי הרודד עמי תחתי ׃
7 יפל מצדך אלף ורבבה מימינך אליך לא יגש ׃
8 טוב לחסות ביהוה מבטח באדם ׃
16 פותח את־ידך ומשביע לכל־חי רצון ׃
1 מכתם לדוד שמרני אל כי־חסיתי בך ׃
10 הנותן תשועה למלכים הפוצה את־דוד עבדו מחרב רעה ׃
14 יהוה ילחם לכם ואתם תחרישון ׃
23 מכל־משמר נצר לבך כי־ממנו תוצאות חיים ׃
1 לדוד יהוה אורי וישעי ממי אירא יהוה מעוז־חיי ממי אפחד ׃
6 כי־יהוה יתן חכמה מפיו דעת ותבונה ׃
7 וצפן לישרים תושיה מגן להלכי תם ׃
8 לנצר ארחות משפט ודרך חסידו ישמר ׃
8 שויתי יהוה לנגדי תמיד כי מימיני בל־אמוט ׃
3 בטח ביהוה ועשה־טוב שכן־ארץ ורעה אמונה ׃
26 ונתתי אותם וסביבות גבעתי ברכה והורדתי הגשם בעתו גשמי ברכה יהיו ׃
10 מגדל־עז שם יהוה בו־ירוץ צדיק ונשגב ׃
6 אני־קראתיך כי־תענני אל הט־אזנך לי שמע אמרתי ׃
7 הפלה חסדיך מושיע חוסים ממתקוממים בימינך ׃
8 שמרני כאישון בת־עין בצל כנפיך תסתירני ׃
9 מפני רשעים זו שדוני איבי בנפש יקיפו עלי ׃
9 הולך בתם ילך בטח ומעקש דרכיו יודע ׃
17 למדו היטב דרשו משפט אשרו חמוץ שפטו יתום ריבו אלמנה ׃ ס
1 למנצח לבני־קרח על־עלמות שיר ׃
8 ואתם סרתם מן־הדרך הכשלתם רבים בתורה שחתם ברית הלוי אמר יהוה צבאות ׃
9 וגם־אני נתתי אתכם נבזים ושפלים לכל־העם כפי אשר אינכם שמרים את־דרכי ונשאים פנים בתורה ׃ פ
10 הלוא אב אחד לכלנו הלוא אל אחד בראנו מדוע נבגד איש באחיו לחלל ברית אבתינו ׃
1 ישב בסתר עליון בצל שדי יתלונן ׃
2 אמר ליהוה מחסי ומצודתי אלהי אבטח־בו ׃
4 וצדיקים ישמחו יעלצו לפני אלהים וישישו בשמחה ׃
5 שירו לאלהים זמרו שמו סלו לרכב בערבות ביה שמו ועלזו לפניו ׃
26 ביראת יהוה מבטח־עז ולבניו יהיה מחסה ׃
5 כל־אמרת אלוה צרופה מגן הוא לחסים בו ׃
27 מענה אלהי קדם ומתחת זרעת עולם ויגרש מפניך אויב ויאמר השמד ׃
29 ועתה הואל וברך את־בית עבדך להיות לעולם לפניך כי־אתה אדני יהוה דברת ומברכתך יברך בית־עבדך לעולם ׃ פ
16 המה ינועון לאכל אם־לא ישבעו וילינו ׃
30 כי־בך ארץ גדוד ובאלהי אדלג־שור ׃
25 כי הרויתי נפש עיפה וכל־נפש דאבה מלאתי ׃
1 שיר למעלות אשא עיני אל־ההרים מאין יבא עזרי ׃
2 עזרי מעם יהוה עשה שמים וארץ ׃
3 אל־יתן למוט רגלך אל־ינום שמרך ׃
4 הנה לא־ינום ולא יישן שומר ישראל ׃
5 יהוה שמרך יהוה צלך על־יד ימינך ׃
6 יומם השמש לא־יככה וירח בלילה ׃
7 יהוה ישמרך מכל־רע ישמר את־נפשך ׃
8 יהוה ישמר־צאתך ובואך מעתה ועד־עולם ׃
5 כצפרים עפות כן יגן יהוה צבאות על־ירושלם גנון והציל פסח והמליט ׃
6 יהוה לי לא אירא מה־יעשה לי אדם ׃
19 עלית למרום שבית שבי לקחת מתנות באדם ואף סוררים לשכן יה אלהים ׃
9 כי־אתה יהוה מחסי עליון שמת מעונך ׃
10 לא־תאנה אליך רעה ונגע לא־יקרב באהלך ׃
7 טוב יהוה למעוז ביום צרה וידע חסי בו ׃
17 כל־כלי יוצר עליך לא יצלח וכל־לשון תקום־אתך למשפט תרשיעי זאת נחלת עבדי יהוה וצדקתם מאתי נאם־יהוה ׃ ס
7 עשה משפט לעשוקים נתן לחם לרעבים יהוה מתיר אסורים ׃
8 יהוה פקח עורים יהוה זקף כפופים יהוה אהב צדיקים ׃
9 יהוה שמר את־גרים יתום ואלמנה יעודד ודרך רשעים יעות ׃
4 באברתו יסך לך ותחת־כנפיו תחסה צנה וסחרה אמתו ׃
7 כי־תשיתהו ברכות לעד תחדהו בשמחה את־פניך ׃
8 כי־המלך בטח ביהוה ובחסד עליון בל־ימוט ׃
9 תמצא ידך לכל־איביך ימינך תמצא שנאיך ׃
6 וישם דוד נצבים בארם דמשק ותהי ארם לדוד לעבדים נושאי מנחה וישע יהוה את־דוד בכל אשר הלך ׃
6 חזקו ואמצו אל־תיראו ואל־תערצו מפניהם כי יהוה אלהיך הוא ההלך עמך לא ירפך ולא יעזבך ׃ פ
25 נער הייתי גם־זקנתי ולא־ראיתי צדיק נעזב וזרעו מבקש־לחם ׃
1 מזמור לדוד בברחו מפני אבשלום בנו ׃
2 יהוה מה־רבו צרי רבים קמים עלי ׃
3 רבים אמרים לנפשי אין ישועתה לו באלהים סלה ׃
4 ואתה יהוה מגן בעדי כבודי ומרים ראשי ׃
5 קולי אל־יהוה אקרא ויענני מהר קדשו סלה ׃
6 אני שכבתי ואישנה הקיצותי כי יהוה יסמכני ׃
26 כי־יהוה יהיה בכסלך ושמר רגלך מלכד ׃
8 נתתה שמחה בלבי מעת דגנם ותירושם רבו ׃
4 ועד־זקנה אני הוא ועד־שיבה אני אסבל אני עשיתי ואני אשא ואני אסבל ואמלט ׃ ס
20 נפשנו חכתה ליהוה עזרנו ומגננו הוא ׃
8 נתתה שמחה בלבי מעת דגנם ותירושם רבו ׃
35 מלמד ידי למלחמה ונחתה קשת־נחושה זרועתי ׃
36 ותתן־לי מגן ישעך וימינך תסעדני וענותך תרבני ׃
8 שויתי יהוה לנגדי תמיד כי מימיני בל־אמוט ׃
25 צדיק אכל לשבע נפשו ובטן רשעים תחסר ׃ פ
1 מזמור לדוד יהוה רעי לא אחסר ׃
20 שמרה נפשי והצילני אל־אבוש כי־חסיתי בך ׃
21 תם־וישר יצרוני כי קויתיך ׃
1 למנצח לבני־קרח על־עלמות שיר ׃
7 כי לא יעשה אדני יהוה דבר כי אם־גלה סודו אל־עבדיו הנביאים ׃
22 תמותת רשע רעה ושנאי צדיק יאשמו ׃
12 ערום ראה רעה נסתר פתאים עברו נענשו ׃
1 למנצח מזמור לדוד ׃
2 יענך יהוה ביום צרה ישגבך שם אלהי יעקב ׃
12 ופניתי אני לראות חכמה והוללות וסכלות כי מה האדם שיבוא אחרי המלך את אשר־כבר עשוהו ׃
1 מכתם לדוד שמרני אל כי־חסיתי בך ׃
114 סתרי ומגני אתה לדברך יחלתי ׃
12 לבנימן אמר ידיד יהוה ישכן לבטח עליו חפף עליו כל־היום ובין כתיפיו שכן ׃ ס
32 כי מי־אל מבלעדי יהוה ומי צור מבלעדי אלהינו ׃
11 והקמתי את־בריתי אתכם ולא־יכרת כל־בשר עוד ממי המבול ולא־יהיה עוד מבול לשחת הארץ ׃
5 כל־אמרת אלוה צרופה מגן הוא לחסים בו ׃
3 יצר סמוך תצר שלום שלום כי בך בטוח ׃
6 שמר פתאים יהוה דלותי ולי יהושיע ׃
7 שובי נפשי למנוחיכי כי־יהוה גמל עליכי ׃
8 כי חלצת נפשי ממות את־עיני מן־דמעה את־רגלי מדחי ׃
9 אתהלך לפני יהוה בארצות החיים ׃
11 כי טוב־יום בחצריך מאלף בחרתי הסתופף בבית אלהי מדור באהלי־רשע ׃
10 מגדל־עז שם יהוה בו־ירוץ צדיק ונשגב ׃
11 יגירהו על־ידי־חרב מנת שעלים יהיו ׃
18 ועשיתם את־חקתי ואת־משפטי תשמרו ועשיתם אתם וישבתם על־הארץ לבטח ׃
7 זה עני קרא ויהוה שמע ומכל־צרותיו הושיעו ׃
7 אתה סתר לי מצר תצרני רני פלט תסובבני סלה ׃
10 לא־יהיה בך אל זר ולא תשתחוה לאל נכר ׃
10 יראו את־יהוה קדשיו כי־אין מחסור ליראיו ׃
10 אהבי יהוה שנאו רע שמר נפשות חסידיו מיד רשעים יצילם ׃
11 האשימם אלהים יפלו ממעצותיהם ברב פשעיהם הדיחמו כי־מרו בך ׃
12 וישמחו כל־חוסי בך לעולם ירננו ותסך עלימו ויעלצו בך אהבי שמך ׃