1 Et ingressus perambulabat Jericho.

2 Et ecce vir nomine Zachus : et hic princeps erat publicanorum, et ipse dives :

3 et qurebat videre Jesum, quis esset : et non poterat pr turba, quia statura pusillus erat.

4 Et prcurrens ascendit in arborem sycomorum ut videret eum : quia inde erat transiturus.

5 Et cum venisset ad locum, suspiciens Jesus vidit illum, et dixit ad eum : Zache, festinans descende : quia hodie in domo tua oportet me manere.

6 Et festinans descendit, et excepit illum gaudens.

7 Et cum viderent omnes, murmurabant, dicentes quod ad hominem peccatorem divertisset.

8 Stans autem Zachus, dixit ad Dominum : Ecce dimidium bonorum meorum, Domine, do pauperibus : et si quid aliquem defraudavi, reddo quadruplum.

9 Ait Jesus ad eum : Quia hodie salus domui huic facta est : eo quod et ipse filius sit Abrah.

10 Venit enim Filius hominis qurere, et salvum facere quod perierat.