20 ויקם ויבא אל אביו עודנו מרחוק ואביו ראהו ויהמו מעיו וירץ ויפל על צואריו וישקהו׃
21 ויאמר אליו הבן אבי חטאתי לשמים ולפניך ואני נקלתי מהקרא עוד בנך׃
22 ויאמר האב אל עבדיו הוציאו את השמלה הטובה מכלן והלבישהו ותנו טבעת על ידו ונעלים ברגליו׃
23 והביאו את עגל המרבק וטבחו אתו ונאכלה ונשמח׃
13 שקדו ועמדו באמונה התאששו והתחזקו׃
7 מתהלך בתמו צדיק אשרי בניו אחריו׃
12 כבד את אביך ואת אמך למען יארכון ימיך על האדמה אשר יהוה אלהיך נתן לך׃
26 ביראת יהוה מבטח עז ולבניו יהיה מחסה׃
24 גול יגול אבי צדיק יולד חכם וישמח בו׃
24 חושך שבטו שונא בנו ואהבו שחרו מוסר׃
15 ואם רע בעיניכם לעבד את יהוה בחרו לכם היום את מי תעבדון אם את אלהים אשר עבדו אבותיכם אשר בעבר הנהר ואם את אלהי האמרי אשר אתם ישבים בארצם ואנכי וביתי נעבד את יהוה׃
3 הנה נחלת יהוה בנים שכר פרי הבטן׃
4 כחצים ביד גבור כן בני הנעורים׃
5 אשרי הגבר אשר מלא את אשפתו מהם לא יבשו כי ידברו את אויבים בשער׃
6 חנך לנער על פי דרכו גם כי יזקין לא יסור ממנה׃