97 מה אהבתי תורתך כל היום היא שיחתי׃
98 מאיבי תחכמני מצותך כי לעולם היא לי׃
99 מכל מלמדי השכלתי כי עדותיך שיחה לי׃
100 מזקנים אתבונן כי פקודיך נצרתי׃
14 יהיו לרצון אמרי פי והגיון לבי לפניך יהוה צורי וגאלי׃
3 פי ידבר חכמות והגות לבי תבונות׃
11 אזכיר מעללי יה כי אזכרה מקדם פלאך׃
12 והגיתי בכל פעלך ובעלילותיך אשיחה׃
147 קדמתי בנשף ואשועה לדבריך יחלתי׃
148 קדמו עיני אשמרות לשיח באמרתך׃
33 אשירה ליהוה בחיי אזמרה לאלהי בעודי׃
34 יערב עליו שיחי אנכי אשמח ביהוה׃
5 זכרתי ימים מקדם הגיתי בכל פעלך במעשה ידיך אשוחח׃
47 ואשתעשע במצותיך אשר אהבתי׃
48 ואשא כפי אל מצותיך אשר אהבתי ואשיחה בחקיך׃
9 דמינו אלהים חסדך בקרב היכלך׃
1 אשרי האיש אשר לא הלך בעצת רשעים ובדרך חטאים לא עמד ובמושב לצים לא ישב׃
2 כי אם בתורת יהוה חפצו ובתורתו יהגה יומם ולילה׃
15 בפקדיך אשיחה ואביטה ארחתיך׃
16 בחקתיך אשתעשע לא אשכח דברך׃
8 לא ימוש ספר התורה הזה מפיך והגית בו יומם ולילה למען תשמר לעשות ככל הכתוב בו כי אז תצליח את דרכך ואז תשכיל׃