1 Ki te tino kaiwhakatangi. He himene na Rawiri. Whakaorangia ahau, e Ihowa, i te tangata kino: araia atu i ahau te tangata tutu:

2 E whakaaro kino nei i o ratou ngakau: e whakamine nei i a ratou i nga wa katoa ki te whawhai.

3 Kua whakakoia to ratou arero, ano he nakahi: kei raro i o ratou ngutu te wai whakamate o te neke. (Hera.

4 Tiakina ahau, e Ihowa, i nga ringa o te hunga kino: araia atu i ahau te tangata tutu, kua mea nei kia tutea oku hikoinga.

5 Kua huna e te hunga whakakake te mahanga moku, me nga aho; kua horahia e ratou he kupenga ki te taha o te ara: kua whakapikoa e ratou he rore moku. (Hera.

6 I mea ahau ki a Ihowa, Ko koe toku Atua: whakarongo, e Ihowa, ki toku reo inoi.

7 E Ihowa, e te Ariki, e te kaha o toku whakaoranga, nau i hipoki toku upoko i te ra o te tatauranga.

8 Aua e whakaaetia, e Ihowa, nga hiahia o te tangata kino: kei taea tona whakaaro koroke; kei whakakake ratou. (Hera.

9 Tena ko te upoko o te hunga e whakapae nei i ahau, kia hipokina ratou e te kino o o ratou ngutu.

10 Kia taka he waro mura ki runga ki a ratou: kia panga ratou ki te ahi, ki roto ki nga poka hohonu, kei whakatika ake ano ratou.

11 E kore te tangata korero kino e whakapumautia ki runga ki te whenua: ma te kino e aruaru te tangata tutu, kia turakina atu ia ki raro.

12 E matau ana ano ahau ma Ihowa e tohe te whakawa a te tangata e tukinotia ana, te mea hoki e rite ana ma nga rawakore.

13 He pono ka whakawhetai te hunga pai ki tou ingoa: ka noho te hunga tika ki tou aroaro.

1 Deliver me, O Jehovah, from the evil man;

Preserve me from the violent man:

2 Who devise mischiefs in their heart;

Continually do they gather themselves together for war.

3 They have sharpened their tongue like a serpent;

Adders’ poison is under their lips. [Selah

4 Keep me, O Jehovah, from the hands of the wicked;

Preserve me from the violent man:

Who have purposed to thrust aside my steps.

5 The proud have hid a snare for me, and cords;

They have spread a net by the wayside;

They have set gins for me. [Selah

6 I said unto Jehovah, Thou art my God:

Give ear unto the voice of my supplications, O Jehovah.

7 O Jehovah the Lord, the strength of my salvation,

Thou hast covered my head in the day of battle.

8 Grant not, O Jehovah, the desires of the wicked;

Further not his evil device, lest they exalt themselves. [Selah

9 As for the head of those that compass me about,

Let the mischief of their own lips cover them.

10 Let burning coals fall upon them:

Let them be cast into the fire,

Into deep pits, whence they shall not rise.

11 An evil speaker shall not be established in the earth:

Evil shall hunt the violent man to overthrow him.

12 I know that Jehovah will maintain the cause of the afflicted,

And justice for the needy.

13 Surely the righteous shall give thanks unto thy name:

The upright shall dwell in thy presence.