1 Ko koe taku e whakawhirinaki ai, e Ihowa: kei whakama ahau ake ake.

2 Whakaorangia ahau, i runga i tou tika, kia mawhiti ano ahau: tahuri mai tou taringa ki ahau, whakaorangia hoki ahau.

3 Kia ai koe hei teko e noho ai ahau, hei hokihokinga tonutanga atu moku: kua kiia iho ahau e koe kia whakaorangia: ko koe nei hoki toku kohatu, toku pourewa.

4 Whakaorangia ahau, e toku Atua, i te ringa o te tangata kino, i te ringa o te whanoke, o te nanakia.

5 Ko koe nei hoki, e te Ariki, e Ihowa, taku e tumanako atu nei, taku e whakawhirinaki nei no toku tamarikitanga ake ano.

6 Nau ahau i tautoko ake no te kopu mai ano; nau ahau i tango mai i roto i nga whekau o toku whaea; ko koe taku e whakamoemiti tonu ai.

7 He miharotanga ahau na te tini; ko koe ia toku piringa kaha.

8 Kia ki toku mangai i te whakamoemiti ki a koe, i tou honore i te roa o te ra.

9 Kaua ahau e panga a te wa o te koroheketanga, kaua ahau e whakarerea ina hemo toku kaha.

10 E korerotia ana hoki ahau e oku hoariri, a e runanga tahi ana te hunga e whanga ana ki toku wairua.

11 E mea ana, Kua whakarerea ia e te Atua: whaia, hopukia; kahore hoki tetahi hei whakaora.

12 E te Atua, kei matara atu koe i ahau: e toku Atua, hohoro ki te awhina i ahau.

13 Kia whakama, kia pau nga hoariri o toku wairua: kia hipokina ki te tawai, ki te whakama, te hunga e rapu ana i te he moku.

14 Ko ahau ia, ka tumanako tonu: ka hono tonu ano te whakamoemiti ki a koe.

15 Ma toku mangai e whakakite tou tika, tau whakaoranga i te roa o te ra; kahore hoki ahau e mohio e hia ranei.

16 Ka haere ahau i runga i te kaha o te Ariki, o Ihowa, ka whakahuatia e ahau tou tika, tou anake.

17 E te Atua, he mea whakaako ahau nau, no toku tamarikitanga ake; a he whakapuaki taku i au mahi whakamiharo a mohoa noa nei.

18 Na kaua ahau e whakarerea, e te Atua, a koroheke noa, hina noa ahau, kia whakakitea ra ano e ahau tou kaha ki tenei whakatupuranga, tou nui ki nga tangata katoa e puta mai a mua.

19 Kei runga rawa ano tou tika, e te Atua, he nui nei hoki au mahi: e te Atua, ko wai te rite ki a koe?

20 He nui, he kino nga pouritanga ngakau i whakakitea mai e koe ki a matou; tera ano koe ka whakahauora i a matou, ka whakahoki ake ano i a matou i nga wahi hohonu o te whenua.

21 Whakaraneatia e koe toku nui, a tahuri mai ano ka whakamarie i ahau.

22 Ka whakamoemiti ahau ki a koe i runga i te hatere, ara ki tou pono, e toku Atua: ka himene ahau ki a koe i runga i te hapa, e te Mea Tapu o Iharaira.

23 Ka tino hari oku ngutu ua himene ahau ki a koe: me toku wairua ano i hokona nei e koe.

24 Ka korerotia hoki e toku arero tou tika i te roa o te ra: kua whakama nei hoki, kua numinumi kau te hunga i rapu i te he moku.

1 In thee, O Jehovah, do I take refuge:

Let me never be put to shame.

2 Deliver me in thy righteousness, and rescue me:

Bow down thine ear unto me, and save me.

3 Be thou to me a rock of habitation, whereunto I may continually resort:

Thou hast given commandment to save me;

For thou art my rock and my fortress.

4 Rescue me, O my God, out of the hand of the wicked,

Out of the hand of the unrighteous and cruel man.

5 For thou art my hope, O Lord Jehovah:

Thou art my trust from my youth.

6 By thee have I been holden up from the womb;

Thou art he that took me out of my mother’s bowels:

My praise shall be continually of thee.

7 I am as a wonder unto many;

But thou art my strong refuge.

8 My mouth shall be filled with thy praise,

And with thy honor all the day.

9 Cast me not off in the time of old age;

Forsake me not when my strength faileth.

10 For mine enemies speak concerning me;

And they that watch for my soul take counsel together,

11 Saying, God hath forsaken him:

Pursue and take him; for there is none to deliver.

12 O God, be not far from me;

O my God, make haste to help me.

13 Let them be put to shame and consumed that are adversaries to my soul;

Let them be covered with reproach and dishonor that seek my hurt.

14 But I will hope continually,

And will praise thee yet more and more.

15 My mouth shall tell of thy righteousness,

And of thy salvation all the day;

For I know not the numbers thereof.

16 I will come with the mighty acts of the Lord Jehovah:

I will make mention of thy righteousness, even of thine only.

17 O God, thou hast taught me from my youth;

And hitherto have I declared thy wondrous works.

18 Yea, even when I am old and grayheaded, O God, forsake me not,

Until I have declared thy strength unto the next generation,

Thy might to every one that is to come.

19 Thy righteousness also, O God, is very high;

Thou who hast done great things, O God, who is like unto thee?

20 Thou, who hast showed us many and sore troubles,

Wilt quicken us again,

And wilt bring us up again from the depths of the earth.

21 Increase thou my greatness,

And turn again and comfort me.

22 I will also praise thee with the psaltery,

Even thy truth, O my God:

Unto thee will I sing praises with the harp,

O thou Holy One of Israel.

23 My lips shall shout for joy when I sing praises unto thee;

And my soul, which thou hast redeemed.

24 My tongue also shall talk of thy righteousness all the day long;

For they are put to shame, for they are confounded, that seek my hurt.