1 I korero ano a Erihu, i mea,

2 Ki tou whakaaro he tika tenei mau, e mea ana ranei koe, Nui atu toku tika i to te Atua?

3 I mea ai koe, He aha te rawa ki a koe? a, He aha te painga ki ahau, hira ake i te painga me i hara ahau?

4 Maku e whakahoki he kupu ki a koe, ki a koutou ko ou hoa.

5 Kia matatau atu tau titiro ki nga rangi; matakitakina atu hoki nga kapua e tiketike ake na i a koe.

6 Mehemea kua hara koe, ka ahatia ia e tau mahi? A ki te whakanuia au mahi tutu, e aha ana ranei koe ki a ia?

7 Ki te mea he tika tou, ko te aha e hoatu ana e koe ki a ia? Ko te aha ranei a tou ringa e riro ana i a ia?

8 Ka mamae pea tetahi tangata pena i a koe na i tou kino; ka whai painga pea ki tetahi tama a te tangata tou tika.

9 He maha no nga tukinotanga i tangi ai ratou; na te ringaringa o te hunga nui i aue ai ratou kia awhinatia.

10 Kahore ia tetahi e mea ana, Kei hea toku Kaihanga, te Atua, e homai nei i nga waiata i te po?

11 E nui atu nei tana whakaako ki a tatou i tana ki nga kararehe o te whenua, nana hoki i nui ai o tatou mahara i o nga manu o te rangi?

12 Karanga ana ratou i reira, heoi kahore he kupu e whakahokia mai, he mea na te whakapehapeha o te hunga kino.

13 He pono e kore te tekateka noa e whakarangona mai e te Atua, e kore ano hoki e tirohia mai e te Kaha Rawa.

14 Ka iti rawa iho ki te mea koe, kahore koe e kite i a ia, kei tona aroaro te whakarite whakawa; na ka tatari koe ki a ia!

15 Na, kihai nei ia i tae mai i runga i tona riri, kihai ano hoki i aro nui mai ki te whakamanamana;

16 Koia i puaki ai te mangai o Hopa, he mea horihori kau nei; kahore he matauranga o nga kupu e whakamahatia nei e ia.

1 And Elihu answereth and saith: --

2 This hast thou reckoned for judgment: Thou hast said -- `My righteousness [is] more than God`s?`

3 For thou sayest, `What doth it profit Thee! What do I profit from my sin?`

4 I return thee words, and thy friends with thee,

5 Behold attentively the heavens -- and see, And behold the clouds, They have been higher than thou.

6 If thou hast sinned, what dost thou against Him? And thy transgressions have been multiplied, What dost thou to Him?

7 If thou hast been righteous, What dost thou give to Him? Or what from thy hand doth He receive?

8 For a man like thyself [is] thy wickedness, And for a son of man thy righteousness.

9 Because of the multitude of oppressions They cause to cry out, They cry because of the arm of the mighty.

10 And none said, `Where [is] God my maker? Giving songs in the night,

11 Teaching us more than the beasts of the earth, Yea, than the fowl of the heavens He maketh us wiser.`

12 There they cry, and He doth not answer, Because of the pride of evil doers.

13 Surely vanity God doth not hear, And the Mighty doth not behold it.

14 Yea, though thou sayest thou dost not behold Him, Judgment [is] before Him, and stay for Him.

15 And, now, because there is not, He hath appointed His anger, And He hath not known in great extremity.

16 And Job [with] vanity doth open his mouth, Without knowledge words he multiplieth.