1 Parabolae Salomonis filii David regis Israel

2 ad sciendam sapientiam et disciplinam,ad intellegenda verba prudentiae;

3 ad suscipiendam eruditionem doctrinae,iustitiam et iudicium et aequitatem,

4 ut detur parvulis astutia,adulescenti scientia et recogitatio.

5 Audiat sapiens et addet doctrinam,et intellegens dispositiones possidebit:

6 animadvertet parabolam et allegoriam,verba sapientium et aenigmata eorum.