7 Ne sis sapiens apud temetipsum;time Dominum et recede a malo.
8 Sanitas quippe erit umbilico tuo,et irrigatio ossibus tuis.
13 Timor Domini odisse malum;arrogantiam et superbiam et viam pravamet os bilingue detestor.
9 Si confiteamur peccata nostra, fidelis est et iustus, ut remittat nobis peccata et emundet nos ab omni iniustitia.
7 Dominus custodiet te ab omni malo;custodiet animam tuam Dominus.
8 Dominus custodiet introitum tuum et exitum tuumex hoc nunc et usque in saeculum.
12 Quia non est nobis colluctatio adversus sanguinem et carnem sed adversus principatus, adversus potestates, adversus mundi rectores tenebrarum harum, adversus spiritalia nequitiae in caelestibus.
15 Non rogo, ut tollas eos de mundo, sed ut serves eos ex Malo.
21 Noli vinci a malo, sed vince in bono malum.
14 NUN. Prohibe linguam tuam a malo,et labia tua, ne loquantur dolum.
11 Induite armaturam Dei, ut possitis stare adversus insidias Diaboli.
133 Gressus meos dirige secundum eloquium tuum,et non dominetur mei omnis iniquitas.
10 Qui diligitis Dominum, odite malum;custodit ipse animas sanctorum suorum,de manu peccatoris liberabit eos.
13 et ne inducas nos in tentationem,sed libera nos a Malo.
20 Dicebat autem: " Quod de homine exit, illud coinquinat hominem;
21 ab intus enim de corde hominum cogitationes malae procedunt, fornicationes, furta, homicidia,
22 adulteria, avaritiae, nequitiae, dolus, impudicitia, oculus malus, blasphemia, superbia, stultitia:
23 omnia haec mala ab intus procedunt et coinquinant hominem ".
20 Vos cogitastis de me malum; sed Deus vertit illud in bonum, ut exaltaret me, sicut in praesentiarum cernitis, et salvos faceret multos populos.
12 Odium suscitat rixas,et universa delicta operit caritas.
18 Liberabit me Dominus ab omni opere malo et salvum faciet in regnum suum caeleste; cui gloria in saecula saeculorum. Amen.
5 et lux in tenebris lucet, et tenebrae eam non comprehenderunt.
21 omnia autem probate, quod bonum est tenete,
22 ab omni specie mala abstinete vos.
26 Irascimini et nolite peccare; sol non occidat super iracundiam vestram,
27 et nolite locum dare Diabolo.
17 Rogo autem vos, fratres, ut observetis eos, qui dissensiones et offendicula praeter doctrinam, quam vos didicistis, faciunt, et declinate ab illis;
15 Videte, ne quis malum pro malo alicui reddat, sed semper, quod bonum est, sectamini et in invicem et in omnes.
21 Propter quod abicientes omnem immunditiam et abundantiam malitiae, in mansuetudine suscipite insitum verbum, quod potest salvare animas vestras.
9 " Haec ait Dominus exercituum dicens: Iudicium verum iudicate et misericordiam et miserationes facite unusquisque cum fratre suo;
10 et viduam et pupillum et advenam et pauperem nolite calumniari, et malum unusquisque contra fratrem suum nolite cogitare in corde vestro.
9 Dilectio sine simulatione. Odientes malum, adhaerentes bono;
16 Lavamini, mundi estote,auferte malum cogitationum vestrarum ab oculis meis;quiescite agere perverse,