12 induite vos ergo sicut electi Dei sancti et dilecti viscera misericordiae benignitatem humilitatem modestiam patientiam
13 subportantes invicem et donantes vobis ipsis si quis adversus aliquem habet querellam sicut et Dominus donavit vobis ita et vos
14 super omnia autem haec caritatem quod est vinculum perfectionis
15 et pax Christi exultet in cordibus vestris in qua et vocati estis in uno corpore et grati estote