Deus

9 ecce praecipio tibi confortare et esto robustus noli metuere et noli timere quoniam tecum est Dominus Deus tuus in omnibus ad quaecumque perrexeris

29 cumque quaesieris ibi Dominum Deum tuum invenies eum si tamen toto corde quaesieris et tota tribulatione animae tuae

12 honora patrem tuum et matrem tuam ut sis longevus super terram quam Dominus Deus tuus dabit tibi

10 humiliamini in conspectu Domini et exaltabit vos

22 idcirco magnificatus es Domine Deus quia non est similis tui neque est deus extra te in omnibus quae audivimus auribus nostris

1 surge inluminare quia venit lumen tuum et gloria Domini super te orta est

19 nos ergo diligamus quoniam Deus prior dilexit nos

35 qui me invenerit inveniet vitam et hauriet salutem a Domino

7 nolite errare Deus non inridetur

8 non enim cogitationes meae cogitationes vestrae neque viae vestrae viae meae dicit Dominus

16 et nos cognovimus et credidimus caritati quam habet Deus in nobis Deus caritas est et qui manet in caritate in Deo manet et Deus in eo

20 si quis dixerit quoniam diligo Deum et fratrem suum oderit mendax est qui enim non diligit fratrem suum quem vidit Deum quem non vidit quomodo potest diligere

12 Deum nemo vidit umquam si diligamus invicem Deus in nobis manet et caritas eius in nobis perfecta est

13 quia ego Dominus Deus tuus adprehendens manum tuam dicensque tibi ne timeas ego adiuvi te

1 Domine Deus meus es tu exaltabo te confitebor nomini tuo quoniam fecisti mirabilia cogitationes antiquas fideles amen

2 non est sanctus ut est Dominus neque enim est alius extra te et non est fortis sicut Deus noster

17 Dominus Deus tuus in medio tui Fortis ipse salvabit gaudebit super te in laetitia silebit in dilectione tua exultabit super te in laude

4 gaudete in Domino semper iterum dico gaudete

4 omnis namque domus fabricatur ab aliquo qui autem omnia creavit Deus

13 omnia possum in eo qui me confortat