8 audi fili mi disciplinam patris tui et ne dimittas legem matris tuae
9 ut addatur gratia capiti tuo et torques collo tuo
4 et patres nolite ad iracundiam provocare filios vestros sed educate illos in disciplina et correptione Domini
26 qui adfligit patrem et fugat matrem ignominiosus est et infelix
22 audi patrem tuum qui genuit te et ne contemnas cum senuerit mater tua
6 corona senum filii filiorum et gloria filiorum patres sui
12 honora patrem tuum et matrem tuam ut sis longevus super terram quam Dominus Deus tuus dabit tibi
11 quis autem ex vobis patrem petet panem numquid lapidem dabit illi aut piscem numquid pro pisce serpentem dabit illi
12 aut si petierit ovum numquid porriget illi scorpionem
13 si ergo vos cum sitis mali nostis bona data dare filiis vestris quanto magis Pater vester de caelo dabit spiritum bonum petentibus se
20 filii oboedite parentibus per omnia hoc enim placitum est in Domino
1 parabolae Salomonis filius sapiens laetificat patrem filius vero stultus maestitia est matris suae
6 proverbium est adulescens iuxta viam suam etiam cum senuerit non recedet ab ea
24 exultat gaudio pater iusti qui sapientem genuit laetabitur in eo
15 sin autem malum vobis videtur ut Domino serviatis optio vobis datur eligite hodie quod placet cui potissimum servire debeatis utrum diis quibus servierunt patres vestri in Mesopotamia an diis Amorreorum in quorum terra habitatis ego autem et domus mea serviemus Domino
16 non occidentur patres pro filiis nec filii pro patribus sed unusquisque pro suo peccato morietur
20 qui maledicit patri suo et matri extinguetur lucerna eius in mediis tenebris
1 filii oboedite parentibus vestris in Domino hoc enim est iustum
2 honora patrem tuum et matrem quod est mandatum primum in promissione
3 ut bene sit tibi et sis longevus super terram
15 virga atque correptio tribuet sapientiam puer autem qui dimittitur voluntati suae confundet matrem suam
6 eruntque verba haec quae ego praecipio tibi hodie in corde tuo
7 et narrabis ea filiis tuis et meditaberis sedens in domo tua et ambulans in itinere dormiens atque consurgens
24 quam ob rem relinquet homo patrem suum et matrem et adherebit uxori suae et erunt duo in carne una
4 si qua autem vidua filios aut nepotes habet discant primum domum suam regere et mutuam vicem reddere parentibus hoc enim acceptum est coram Deo
21 patres nolite ad indignationem provocare filios vestros ut non pusillo animo fiant
8 si quis autem suorum et maxime domesticorum curam non habet fidem negavit et est infideli deterior
24 qui parcit virgae suae odit filium suum qui autem diligit illum instanter erudit
7 in disciplina perseverate tamquam filiis vobis offert Deus quis enim filius quem non corripit pater