Poder de Decisão

6 qui reddet unicuique secundum opera eius

7 his quidem qui secundum patientiam boni operis gloriam et honorem et incorruptionem quaerentibus vitam aeternam

8 his autem qui ex contentione et qui non adquiescunt veritati credunt autem iniquitati ira et indignatio

30 idcirco unumquemque iuxta vias suas iudicabo domus Israhel ait Dominus Deus convertimini et agite paenitentiam ab omnibus iniquitatibus vestris et non erit vobis in ruinam iniquitas

31 proicite a vobis omnes praevaricationes vestras in quibus praevaricati estis et facite vobis cor novum et spiritum novum et quare moriemini domus Israhel

32 quia nolo mortem morientis dicit Dominus Deus revertimini et vivite

7 Dominus Deus auxiliator meus ideo non sum confusus ideo posui faciem meam ut petram durissimam et scio quoniam non confundar

17 si quis voluerit voluntatem eius facere cognoscet de doctrina utrum ex Deo sit an ego a me ipso loquar

33 sortes mittuntur in sinu sed a Domino temperantur

15 sin autem malum vobis videtur ut Domino serviatis optio vobis datur eligite hodie quod placet cui potissimum servire debeatis utrum diis quibus servierunt patres vestri in Mesopotamia an diis Amorreorum in quorum terra habitatis ego autem et domus mea serviemus Domino

35 nolite itaque amittere confidentiam vestram quae magnam habet remunerationem

36 patientia enim vobis necessaria est ut voluntatem Dei facientes reportetis promissionem

37 adhuc enim modicum quantulum qui venturus est veniet et non tardabit

38 iustus autem meus ex fide vivit quod si subtraxerit se non placebit animae meae

39 nos autem non sumus subtractionis in perditionem sed fidei in adquisitionem animae

38 et erunt mihi in populum et ego ero eis in Deum

39 et dabo eis cor unum et viam unam ut timeant me universis diebus et bene sit eis et filiis eorum post eos

21 multae cogitationes in corde viri voluntas autem Domini permanebit

38 Petrus vero ad illos paenitentiam inquit agite et baptizetur unusquisque vestrum in nomine Iesu Christi in remissionem peccatorum vestrorum et accipietis donum Sancti Spiritus

51 dura cervice et incircumcisi cordibus et auribus vos semper Spiritui Sancto resistitis sicut patres vestri et vos

22 et Iosue ad populum testes inquit vos estis quia ipsi elegeritis vobis Dominum ut serviatis ei responderuntque testes

15 scio opera tua quia neque frigidus es neque calidus utinam frigidus esses aut calidus

16 sed quia tepidus es et nec frigidus nec calidus incipiam te evomere ex ore meo

7 subditi igitur estote Deo resistite autem diabolo et fugiet a vobis

8 adpropiate Domino et adpropinquabit vobis emundate manus peccatores et purificate corda duplices animo