8 הנה באה ונהיתה נאם אדני יהוה הוא היום אשר דברתי׃
23 ויאמר יהוה אל־משה היד יהוה תקצר עתה תראה היקרך דברי אם־לא׃
2 [ידעת כ] (ידעתי ק) כי־כל תוכל ולא־יבצר ממך מזמה׃
11 כן יהיה דברי אשר יצא מפי לא־ישוב אלי ריקם כי אם־עשה את־אשר חפצתי והצליח אשר שלחתיו׃
4 כל פעל יהוה למענהו וגם־רשע ליום רעה׃
19 לא איש אל ויכזב ובן־אדם ויתנחם ההוא אמר ולא יעשה ודבר ולא יקימנה׃
1 לאדם מערכי־לב ומיהוה מענה לשון׃
27 הנה אני יהוה אלהי כל־בשר הממני יפלא כל־דבר׃
6 כל אשר־חפץ יהוה עשה בשמים ובארץ בימים וכל־תהומות׃