Confiar no Senhor

12 כי שמש ׀ ומגן יהוה אלהים חן וכבוד יתן יהוה לא ימנע־טוב להלכים בתמים׃

1 שיר המעלות הבטחים ביהוה כהר־ציון לא־ימוט לעולם ישב׃

2 ירושלם הרים סביב לה ויהוה סביב לעמו מעתה ועד־עולם׃

7 ברוך הגבר אשר יבטח ביהוה והיה יהוה מבטחו׃

8 והיה כעץ ׀ שתול על־מים ועל־יובל ישלח שרשיו ולא [ירא כ] (יראה ק) כי־יבא חם והיה עלהו רענן ובשנת בצרת לא ידאג ולא ימיש מעשות פרי׃

10 ויהי יהוה משגב לדך משגב לעתות בצרה׃

4 ויתן בפי ׀ שיר חדש תהלה לאלהינו יראו רבים וייראו ויבטחו ביהוה׃

5 בטח אל־יהוה בכל־לבך ואל־בינתך אל־תשען׃

6 בכל־דרכיך דעהו והוא יישר ארחתיך׃

4 בטחו ביהוה עדי־עד כי ביה יהוה צור עולמים׃

7 משמועה רעה לא יירא נכון לבו בטח ביהוה׃

7 עתה ידעתי כי הושיע ׀ יהוה משיחו יענהו משמי קדשו בגברות ישע ימינו׃

8 אלה ברכב ואלה בסוסים ואנחנו ׀ בשם־יהוה אלהינו נזכיר׃

10 אז ישובו אויבי אחור ביום אקרא זה־ידעתי כי־אלהים לי׃

11 באלהים אהלל דבר ביהוה אהלל דבר׃

14 כי שמעתי ׀ דבת רבים מגור מסביב בהוסדם יחד עלי לקחת נפשי זממו׃

5 פן־יאמר איבי יכלתיו צרי יגילו כי אמוט׃

2 הנה אל ישועתי אבטח ולא אפחד כי־עזי וזמרת יה יהוה ויהי־לי לישועה׃

3 בטח ביהוה ועשה־טוב שכן־ארץ ורעה אמונה׃

4 והתענג על־יהוה ויתן־לך משאלת לבך׃

5 גול על־יהוה דרכך ובטח עליו והוא יעשה׃

6 והוציא כאור צדקך ומשפטך כצהרים׃

8 טוב לחסות ביהוה מבטח באדם׃

9 טוב לחסות ביהוה מבטח בנדיבים׃

1 ישב בסתר עליון בצל די יתלונן׃

2 אמר ליהוה מחסי ומצודתי אלהי אבטח־בו׃

3 כי הוא יצילך מפח יקוש מדבר הוות׃

4 באברתו ׀ יסך לך ותחת־כנפיו תחסה צנה וסחרה אמתו׃