17 אדני שפתי תפתח ופי יגיד תהלתך׃
26 כלה שארי ולבבי צור־לבבי וחלקי אלהים לעולם׃
3 הרפא לשבורי לב ומחבש לעצבותם׃
2 ואת־כל־אלה ידי עשתה ויהיו כל־אלה נאם־יהוה ואל־זה אביט אל־עני ונכה־רוח וחרד על־דברי׃
15 כי כה אמר רם ונשא שכן עד וקדוש שמו מרום וקדוש אשכון ואת־דכא ושפל־רוח להחיות רוח שפלים ולהחיות לב נדכאים׃
18 צעקו ויהוה שמע ומכל־צרותם הצילם׃
1 רוח אדני יהוה עלי יען משח יהוה אתי לבשר ענוים שלחני לחבש לנשברי־לב לקרא לשבוים דרור ולאסורים פקח־קוח׃
2 לקרא שנת־רצון ליהוה ויום נקם לאלהינו לנחם כל־אבלים׃
3 לשום ׀ לאבלי ציון לתת להם פאר תחת אפר שמן ששון תחת אבל מעטה תהלה תחת רוח כהה וקרא להם אילי הצדק מטע יהוה להתפאר׃