17 וחסד יהוה ׀ מעולם ועד־עולם על־יראיו וצדקתו לבני בנים׃
9 רק השמר לך ושמר נפשך מאד פן־תשכח את־הדברים אשר־ראו עיניך ופן־יסורו מלבבך כל ימי חייך והודעתם לבניך ולבני בניך׃
4 דור לדור ישבח מעשיך וגבורתיך יגידו׃
30 ויעפו נערים ויגעו ובחורים כשול יכשלו׃
31 וקוי יהוה יחליפו כח יעלו אבר כנשרים ירוצו ולא ייגעו ילכו ולא ייעפו׃ פ
5 כי־טוב יהוה לעולם חסדו ועד־דר ודר אמונתו׃
31 עטרת תפארת שיבה בדרך צדקה תמצא׃
25 נער ׀ הייתי גם־זקנתי ולא־ראיתי צדיק נעזב וזרעו מבקש־לחם׃
6 עטרת זקנים בני בנים ותפארת בנים אבותם׃
4 ועד־זקנה אני הוא ועד־שיבה אני אסבל אני עשיתי ואני אשא ואני אסבל ואמלט׃ ס
14 תולים בבית יהוה בחצרות אלהינו יפריחו׃
15 עוד ינובון בשיבה דשנים ורעננים יהיו׃