8 צרר־מים בעביו ולא־נבקע ענן תחתם׃
9 מאחז פני־כסה פרשז עליו עננו׃
10 חק־חג על־פני־מים עד־תכלית אור עם־חשך׃
39 פרש ענן למסך ואש להאיר לילה׃
40 שאל ויבא שלו ולחם מים ישביעם׃
41 פתח צור ויזובו מים הלכו בציות נהר׃
9 יהוה ׀ אלהי צבאות מי־כמוך חסין ׀ יה ואמונתך סביבותיך׃
2 אמר ליהוה מחסי ומצודתי אלהי אבטח־בו׃
25 נער ׀ הייתי גם־זקנתי ולא־ראיתי צדיק נעזב וזרעו מבקש־לחם׃
21 בשוט לשון תחבא ולא־תירא משד כי יבוא׃
1 למנצח לבני־קרח על־עלמות שיר׃
2 אלהים לנו מחסה ועז עזרה בצרות נמצא מאד׃
3 על־כן לא־נירא בהמיר ארץ ובמוט הרים בלב ימים׃
6 וסכה תהיה לצל־יומם מחרב ולמחסה ולמסתור מזרם וממטר׃ פ
2 כי־תעבר במים אתך־אני ובנהרות לא ישטפוך כי־תלך במו־אש לא תכוה ולהבה לא תבער־בך׃
9 והוא ישפט־תבל בצדק ידין לאמים במישרים׃
10 ויהי יהוה משגב לדך משגב לעתות בצרה׃
4 מקלות ׀ מים רבים אדירים משברי־ים אדיר במרום יהוה׃
8 על־אלהים ישעי וכבודי צור־עזי מחסי באלהים׃
4 כי־היית מעוז לדל מעוז לאביון בצר־לו מחסה מזרם צל מחרב כי רוח עריצים כזרם קיר׃
7 טוב יהוה למעוז ביום צרה וידע חסי בו׃
29 יקם סערה לדממה ויחשו גליהם׃
16 כד הקמח לא כלתה וצפחת השמן לא חסר כדבר יהוה אשר דבר ביד אליהו׃ פ
3 כי אצק־מים על־צמא ונזלים על־יבשה אצק רוחי על־זרעך וברכתי על־צאצאיך׃
18 יודע יהוה ימי תמימם ונחלתם לעולם תהיה׃
19 לא־יבשו בעת רעה ובימי רעבון ישבעו׃