5 [התעוף כ] (התעיף ק) עיניך בו ואיננו כי עשה יעשה־לו כנפים כנשר [ועיף כ] (יעוף ק) השמים׃ פ
14 וכי מי אני ומי עמי כי־נעצר כח להתנדב כזאת כי־ממך הכל ומידך נתנו לך׃
10 ברבות הטובה רבו אוכליה ומה־כשרון לבעליה כי אם־ [ראית כ] (ראות ק) עיניו׃
16 קנה־חכמה מה־טוב מחרוץ וקנות בינה נבחר מכסף׃
4 לא־יועיל הון ביום עברה וצדקה תציל ממות׃
9 כבד את־יהוה מהונך ומראשית כל־תבואתך׃
4 אל־תיגע להעשיר מבינתך חדל׃
14 בדרך עדותיך ששתי כעל כל־הון׃
22 תאות אדם חסדו וטוב־רש מאיש כזב׃
16 טוב־מעט ביראת יהוה מאוצר רב ומהומה בו׃
11 הון עשיר קרית עזו וכחומה נשגבה במשכיתו׃
11 הון מהבל ימעט וקבץ על־יד ירבה׃
8 שוא ׀ ודבר־כזב הרחק ממני ראש ועשר אל־תתן־לי הטריפני לחם חקי׃
1 נבחר ם מעשר רב מכסף ומזהב חן טוב׃
16 טוב־מעט לצדיק מהמון רשעים רבים׃
17 כי זרועות רשעים תשברנה וסומך צדיקים יהוה׃
22 ברכת יהוה היא תעשיר ולא־יוסף עצב עמה׃
2 לא־יועילו אוצרות רשע וצדקה תציל ממות׃