23 מכל־משמר נצר לבך כי־ממנו תוצאות חיים׃
26 תנה־בני לבך לי ועיניך דרכי [תרצנה כ] (תצרנה ׃ ק)
5 ואהבת את יהוה אלהיך בכל־לבבך ובכל־נפשך ובכל־מאדך׃
6 והיו הדברים האלה אשר אנכי מצוך היום על־לבבך׃
1 בני תורתי אל־תשכח ומצותי יצר לבך׃
2 כי ארך ימים ושנות חיים ושלום יוסיפו לך׃
7 רשת ׀ הכינו לפעמי כפף נפשי כרו לפני שיחה נפלו בתוכה סלה׃
10 תשמיעני ששון ושמחה תגלנה עצמות דכית׃
3 בחנת לבי ׀ פקדת לילה צרפתני בל־תמצא זמתי בל־יעבר־פי׃
4 לפעלות אדם בדבר שפתיך אני מרתי ארחות פריץ׃
5 תמך אשרי במעגלותיך בל־נמוטו פעמי׃
8 לא־ימוש ספר התורה הזה מפיך והגית בו יומם ולילה למען תשמר לעשות ככל־הכתוב בו כי־אז תצליח את־דרכך ואז תשכיל׃
46 ויאמר אלהם שימו לבבכם לכל־הדברים אשר אנכי מעיד בכם היום אשר תצום את־בניכם לשמר לעשות את־כל־דברי התורה הזאת׃
2 בחנני יהוה ונסני [צרופה כ] (צרפה ק) כליותי ולבי׃
3 כי־חסדך לנגד עיני והתהלכתי באמתך׃
23 חקרני אל ודע לבבי בחנני ודע שרעפי׃
24 וראה אם־דרך־עצב בי ונחני בדרך עולם׃
10 בכל־לבי דרשתיך אל־תשגני ממצותיך׃
11 בלבי צפנתי אמרתך למען לא אחטא־לך׃