28 כי יהוה ׀ אהב משפט ולא־יעזב את־חסידיו לעולם נשמרו וזרע רשעים נכרת׃
15 סור מרע ועשה־טוב בקש שלום ורדפהו׃
10 בכל־לבי דרשתיך אל־תשגני ממצותיך׃
18 רשע עשה פעלת־שקר וזרע צדקה שכר אמת׃
2 לא־יועילו אוצרות רשע וצדקה תציל ממות׃
25 מוקש אדם ילע קדש ואחר נדרים לבקר׃
1 אשרי־האיש אשר ׀ לא הלך בעצת רשעים ובדרך חטאים לא עמד ובמושב לצים לא ישב׃
6 כי־לעולם לא־ימוט לזכר עולם יהיה צדיק׃
21 רדף צדקה וחסד ימצא חיים צדקה וכבוד׃
3 עשה צדקה ומשפט נבחר ליהוה מזבח׃
2 כל־דרך־איש ישר בעיניו ותכן לבות יהוה׃