Ler a Bíblia

6 והיו הדברים האלה אשר אנכי מצוך היום על־לבבך׃

7 ושננתם לבניך ודברת בם בשבתך בביתך ובלכתך בדרך ובשכבך ובקומך׃

8 וקשרתם לאות על־ידך והיו לטטפת בין עיניך׃

130 פתח דבריך יאיר מבין פתיים׃

8 לא־ימוש ספר התורה הזה מפיך והגית בו יומם ולילה למען תשמר לעשות ככל־הכתוב בו כי־אז תצליח את־דרכך ואז תשכיל׃

10 כי עזרא הכין לבבו לדרוש את־תורת יהוה ולעשת וללמד בישראל חק ומשפט׃ ס

97 מה־אהבתי תורתך כל־היום היא שיחתי׃

98 מאיבי תחכמני מצותך כי לעולם היא־לי׃

99 מכל־מלמדי השכלתי כי עדותיך שיחה לי׃

8 ויקראו בספר בתורת האלהים מפרש ושום שכל ויבינו במקרא׃ ס

1 בני אם־תקח אמרי ומצותי תצפן אתך׃

2 להקשיב לחכמה אזנך תטה לבך לתבונה׃

3 כי אם לבינה תקרא לתבונה תתן קולך׃

4 אם־תבקשנה ככסף וכמטמונים תחפשנה׃

5 אז תבין יראת יהוה ודעת אלהים תמצא׃

6 כי־יהוה יתן חכמה מפיו דעת ותבונה׃

105 נר־לרגלי דברך ואור לנתיבתי׃

9 במה יזכה־נער את־ארחו לשמר כדברך׃

10 בכל־לבי דרשתיך אל־תשגני ממצותיך׃

11 בלבי צפנתי אמרתך למען לא אחטא־לך׃