19 לא איש אל ויכזב ובן־אדם ויתנחם ההוא אמר ולא יעשה ודבר ולא יקימנה׃
16 שש־הנה שנא יהוה ושבע [תועבות כ] (תועבת ק) נפשו׃
17 עינים רמות לשון שקר וידים שפכות דם־נקי׃
18 לב חרש מחשבות און רגלים ממהרות לרוץ לרעה׃
19 יפיח כזבים עד שקר ומשלח מדנים בין אחים׃ פ
11 לא תגנבו ולא־תכחשו ולא־תשקרו איש בעמיתו׃
6 פעל אוצרות בלשון שקר הבל נדף מבקשי־מות׃
5 עד אמונים לא יכזב ויפיח כזבים עד שקר׃
1 למנצח לדוד מזמור אלהי תהלתי אל־תחרש׃
2 כי פי רשע ופי־מרמה עלי פתחו דברו אתי לשון שקר׃
16 לא־תענה ברעך עד שקר׃ ס
7 לא־ישב ׀ בקרב ביתי עשה רמיה דבר שקרים לא־יכון לנגד עיני׃
22 תועבת יהוה שפתי־שקר ועשי אמונה רצונו׃
13 שארית ישראל לא־יעשו עולה ולא־ידברו כזב ולא־ימצא בפיהם לשון תרמית כי־המה ירעו ורבצו ואין מחריד׃ ס
7 לא־נאוה לנבל שפת־יתר אף כי־לנדיב שפת־שקר׃