14 בית והון נחלת אבות ומיהוה אשה משכלת׃
25 עז־והדר לבושה ותשחק ליום אחרון׃
26 פיה פתחה בחכמה ותורת־חסד על־לשונה׃
16 אשת־חן תתמך כבוד ועריצים יתמכו־עשר׃
30 שקר החן והבל היפי אשה יראת־יהוה היא תתהלל׃
10 אשת־חיל מי ימצא ורחק מפנינים מכרה׃
33 יראת יהוה מוסר חכמה ולפני כבוד ענוה׃
10 תחלת חכמה יראת יהוה ודעת קדשים בינה׃
11 דרשו יהוה ועזו בקשו פניו תמיד׃
1 חכמות נשים בנתה ביתה ואולת בידיה תהרסנו׃
28 קמו בניה ויאשרוה בעלה ויהללה׃
29 רבות בנות עשו חיל ואת עלית על־כלנה׃
4 אשת־חיל עטרת בעלה וכרקב בעצמותיו מבישה׃