13 אם־תשיב משבת רגלך עשות חפציך ביום קדשי וקראת לשבת ענג לקדוש יהוה מכבד וכבדתו מעשות דרכיך ממצוא חפצך ודבר דבר׃
14 אז תתענג על־יהוה והרכבתיך על־ [במותי כ] (במתי ק) ארץ והאכלתיך נחלת יעקב אביך כי פי יהוה דבר׃ ס
2 יבוא שלום ינוחו על־משכבותם הלך נכחו׃
2 שוא לכם ׀ משכימי קום מאחרי־שבת אכלי לחם העצבים כן יתן לידידו שנא׃
8 נתתה שמחה בלבי מעת דגנם ותירושם רבו׃
18 ובטחת כי־יש תקוה וחפרת לבטח תשכב׃
19 ורבצת ואין מחריד וחלו פניך רבים׃
12 יש רעה חולה ראיתי תחת השמש עשר שמור לבעליו לרעתו׃
5 קולי אל־יהוה אקרא ויענני מהר קדשו סלה׃
5 לא־תירא מפחד לילה מחץ יעוף יומם׃
24 אם־תשכב לא־תפחד ושכבת וערבה שנתך׃