60 חשתי ולא התמהמהתי לשמר מצותיך׃
4 לא תשמע אל־דברי הנביא ההוא או אל־חולם החלום ההוא כי מנסה יהוה אלהיכם אתכם לדעת הישכם אהבים את־יהוה אלהיכם בכל־לבבכם ובכל־נפשכם׃
27 אל־תט־ימין ושמאול הסר רגלך מרע׃
1 שיר המעלות אשרי כל־ירא יהוה ההלך בדרכיו׃
23 מיהוה מצעדי־גבר כוננו ודרכו יחפץ׃
15 ואם רע בעיניכם לעבד את־יהוה בחרו לכם היום את־מי תעבדון אם את־אלהים אשר־עבדו אבותיכם אשר [בעבר כ] (מעבר ק) הנהר ואם את־אלהי האמרי אשר אתם ישבים בארצם ואנכי וביתי נעבד את־יהוה׃ פ
33 בכל־הדרך אשר צוה יהוה אלהיכם אתכם תלכו למען תחיון וטוב לכם והארכתם ימים בארץ אשר תירשון׃
133 פעמי הכן באמרתך ואל־תשלט־בי כל־און׃
8 ויהוה הוא ׀ ההלך לפניך הוא יהיה עמך לא ירפך ולא יעזבך לא תירא ולא תחת׃