19 קרוב יהוה לנשברי־לב ואת־דכאי־רוח יושיע׃
17 הנה אשרי אנוש יוכחנו אלוה ומוסר די אל־תמאס׃
4 אכן חלינו הוא נשא ומכאבינו סבלם ואנחנו חשבנהו נגוע מכה אלהים ומענה׃
3 ויענך וירעבך ויאכלך את־המן אשר לא־ידעת ולא ידעון אבתיך למען הודעך כי לא על־הלחם לבדו יחיה האדם כי על־כל־מוצא פי־יהוה יחיה האדם׃
3 נבזה וחדל אישים איש מכאבות וידוע חלי וכמסתר פנים ממנו נבזה ולא חשבנהו׃
20 ויקם איוב ויקרע את־מעלו ויגז את־ראשו ויפל ארצה וישתחו׃
21 ויאמר ערם [יצתי כ] (יצאתי ק) מבטן אמי וערם אשוב שמה יהוה נתן ויהוה לקח יהי שם יהוה מברך׃