8 חנה מלאך־יהוה סביב ליראיו ויחלצם׃
9 טעמו וראו כי־טוב יהוה אשרי הגבר יחסה־בו׃
4 עקב ענוה יראת יהוה עשר וכבוד וחיים׃
14 לא־תקלל חרש ולפני עור לא תתן מכשל ויראת מאלהיך אני יהוה׃
27 יראת יהוה תוסיף ימים ושנות רשעים תקצרנה׃
4 לא תשמע אל־דברי הנביא ההוא או אל־חולם החלום ההוא כי מנסה יהוה אלהיכם אתכם לדעת הישכם אהבים את־יהוה אלהיכם בכל־לבבכם ובכל־נפשכם׃
11 כפירים רשו ורעבו ודרשי יהוה לא־יחסרו כל־טוב׃
12 לכו־בנים שמעו־לי יראת יהוה אלמדכם׃
13 מי־האיש החפץ חיים אהב ימים לראות טוב׃
14 נצר לשונך מרע ושפתיך מדבר מרמה׃
11 עבדו את־יהוה ביראה וגילו ברעדה׃
6 בחסד ואמת יכפר עון וביראת יהוה סור מרע׃
10 ראשית חכמה ׀ יראת יהוה שכל טוב לכל־עשיהם תהלתו עמדת לעד׃
9 פקודי יהוה ישרים משמחי־לב מצות יהוה ברה מאירת עינים׃
10 יראת יהוה ׀ טהורה עומדת לעד משפטי־יהוה אמת צדקו יחדו׃
11 הנחמדים מזהב ומפז רב ומתוקים מדבש ונפת צופים׃
33 יראת יהוה מוסר חכמה ולפני כבוד ענוה׃
14 אשרי אדם מפחד תמיד ומקשה לבו יפול ברעה׃
28 ויאמר ׀ לאדם הן יראת אדני היא חכמה וסור מרע בינה׃ ס
27 יראת יהוה מקור חיים לסור ממקשי מות׃
10 תחלת חכמה יראת יהוה ודעת קדשים בינה׃
6 ושמרת את־מצות יהוה אלהיך ללכת בדרכיו וליראה אתו׃
7 ועתה יהי פחד־יהוה עליכם שמרו ועשו כי־אין עם־יהוה אלהינו עולה ומשא פנים ומקח־שחד׃
35 וכי־ימוך אחיך ומטה ידו עמך והחזקת בו גר ותושב וחי עמך׃
36 אל־תקח מאתו נשך ותרבית ויראת מאלהיך וחי אחיך עמך׃
17 ולא תונו איש את־עמיתו ויראת מאלהיך כי אני יהוה אלהיכם׃