4 דרכיך יהוה הודיעני ארחותיך למדני׃
26 כלה שארי ולבבי צור־לבבי וחלקי אלהים לעולם׃
13 כי־אתה קנית כליתי תסכני בבטן אמי׃
14 אודך על כי נוראות נפליתי נפלאים מעשיך ונפשי ידעת מאד׃
15 לא־נכחד עצמי ממך אשר־עשיתי בסתר רקמתי בתחתיות ארץ׃
16 גלמי ׀ ראו עיניך ועל־ספרך כלם יכתבו ימים יצרו [ולא כ] (ולו ק) אחד בהם׃
10 שמע בני וקח אמרי וירבו לך שנות חיים׃
3 נצר פיו שמר נפשו פשק פתיו מחתה־לו׃
6 אך ׀ טוב וחסד ירדפוני כל־ימי חיי ושבתי בבית־יהוה לארך ימים׃
31 עטרת תפארת שיבה בדרך צדקה תמצא׃
8 קנה־לב אהב נפשו שמר תבונה למצא־טוב׃
10 ימי־שנותינו בהם שבעים שנה ואם בגבורת ׀ שמונים שנה ורהבם עמל ואון כי־גז חיש ונעפה׃
12 למנות ימינו כן הודע ונבא לבב חכמה׃
7 יהוה ישמרך מכל־רע ישמר את־נפשך׃
8 יהוה ישמר־צאתך ובואך מעתה ועד־עולם׃
12 כבד את־אביך ואת־אמך למען יארכון ימיך על האדמה אשר־יהוה אלהיך נתן לך׃ ס
4 חם־לבי ׀ בקרבי בהגיגי תבער־אש דברתי בלשוני׃
5 הודיעני יהוה ׀ קצי ומדת ימי מה־היא אדעה מה־חדל אני׃
6 הנה טפחות ׀ נתתה ימי וחלדי כאין נגדך אך כל־הבל כל־אדם נצב סלה׃
33 אשירה ליהוה בחיי אזמרה לאלהי בעודי׃
23 מכל־משמר נצר לבך כי־ממנו תוצאות חיים׃
27 יראת יהוה מקור חיים לסור ממקשי מות׃
7 דום ׀ ליהוה והתחולל לו אל־תתחר במצליח דרכו באיש עשה מזמות׃
21 רדף צדקה וחסד ימצא חיים צדקה וכבוד׃
23 מכל־משמר נצר לבך כי־ממנו תוצאות חיים׃
7 וייצר יהוה אלהים את־האדם עפר מן־האדמה ויפח באפיו נשמת חיים ויהי האדם לנפש חיה׃
3 הטה אלי ׀ אזנך מהרה הצילני היה לי ׀ לצור־מעוז לבית מצודות להושיעני׃
16 אשר אנכי מצוך היום לאהבה את־יהוה אלהיך ללכת בדרכיו ולשמר מצותיו וחקתיו ומשפטיו וחיית ורבית וברכך יהוה אלהיך בארץ אשר־אתה בא־שמה לרשתה׃
1 לכל זמן ועת לכל־חפץ תחת השמים׃ ס
4 אחת ׀ שאלתי מאת־יהוה אותה אבקש שבתי בבית־יהוה כל־ימי חיי לחזות בנעם־יהוה ולבקר בהיכלו׃
9 ירוין מדשן ביתך ונחל עדניך תשקם׃
17 ארח לחיים שומר מוסר ועוזב תוכחת מתעה׃
6 כל הנשמה תהלל יה הללו־יה׃
93 לעולם לא־אשכח פקודיך כי בם חייתני׃
19 כמים הפנים לפנים כן לב־האדם לאדם׃
12 לכו־בנים שמעו־לי יראת יהוה אלמדכם׃
13 מי־האיש החפץ חיים אהב ימים לראות טוב׃
14 נצר לשונך מרע ושפתיך מדבר מרמה׃