24 But in tho daies, aftir that tribulacioun, the sunne schal be maad derk, and the moon schal not yyue hir liyt,

25 and the sterris of heuene schulen falle doun, and the vertues that ben in heuenes, schulen be moued.

26 And thanne thei schulen se mannus sone comynge in cloudis of heuene, with greet vertu and glorie.

27 And thanne he schal sende hise aungelis, and schal geder hise chosun fro the foure wyndis, fro the hiyest thing of erthe til to the hiyest thing of heuene.