38 And he was in the hyndir part of the boot, and slepte on a pilewe. And thei reisen hym, and seien to hym, Maistir, perteyneth it not to thee, that we perischen?

39 And he roos vp, and manasside the wynde, and seide to the see, Be stille, wexe doumbe. And the wynde ceesside, and greet pesiblenesse was maad.

40 And he seide to hem, What dreden ye? Ye han no feith yit? And thei dredden with greet drede, and seiden ech to other, Who, gessist thou, is this? for the wynde and the see obeschen to hym.