20 euermore doynge thankingis for alle thingis in the name of oure Lord Jhesu Crist to God and to the fadir.
6 Watris cumpassiden me til to my soule, depnesse enuyrownede me, the see hilide myn heed.
7 Y wente doun to the vtmeste places of hillis, the barris of erthe closiden me togidere, in to withouten ende; and thou, my Lord God, schalt reise vp my lijf fro corrupcioun.
1 The title of the nynthe salm. In to the ende, for the pryuytees of the sone, the salm of Dauid.
2 Lord, Y schal knouleche to thee in al myn herte; Y schal telle alle thi merueils.
1 The title of the hundrid and sixe and fourtithe salm. Alleluya. Herie ye the Lord, for the salm is good; heriyng be myrie, and fair to oure God.
2 The Lord schal bilde Jerusalem; and schal gadere togidere the scateryngis of Israel.
15 Y do thankyngis to God of the yifte of hym, that may not be teld.
58 Res. Lord, ayenbiere of my lijf, thou demydist the cause of my soule.
3 I settide not forth bifore myn iyen an vniust thing; Y hatide hem that maden trespassyngis.
4 A schrewide herte cleuede not to me; Y knewe not a wickid man bowynge awei fro me.
7 be thou suget to the Lord, and preye thou hym. Nile thou sue hym, that hath prosperite in his weie; a man doynge vnriytfulnessis.
8 Ceese thou of ire, and forsake woodnesse; nyle thou sue, that thou do wickidli.
9 For thei, that doen wickidli, schulen be distried; but thei that suffren the Lord, schulen enerite the lond.
10 that whanne thou hast ete, and art fillid, thou blesse thi Lord God for the beste lond which he yaf to thee.
12 that ye do thankyngis to God and to the fadir, which made you worthi in to the part of eritage of hooli men in liyt.
13 Which delyueride vs fro the power of derknessis, and translatide in to the kyngdom of the sone of his louyng,
14 in whom we han ayenbiyng and remyssioun of synnes.
15 Which is the ymage of God vnuysible, the first bigetun of ech creature.
16 For in hym alle thingis ben maad, in heuenes and in erthe, visible and vnuysible, ether trones, ether dominaciouns, ether princehodes, ethir poweris, alle thingis ben maad of nouyt bi hym, and in hym,
17 and he is bifor alle, and alle thingis ben in hym.
13 I haue knowe, that the Lord schal make dom of a nedi man; and the veniaunce of pore men.
14 Netheles iust men schulen knouleche to thi name; and riytful men schulen dwelle with thi cheer.
33 And he smoot the vynes of hem, and the fige trees of hem; and al to-brak the tree of the coostis of hem.
34 He seide, and a locuste cam; and a bruk of which was noon noumbre.
3 Blessid be God and the fadir of oure Lord Jhesu Crist, that hath blessid vs in al spiritual blessing in heuenli thingis in Crist,
6 ech spirit, herye the Lord.
1 The title of the thrittithe salm. To victorie, the salm of Dauid.
2 Lord, Y hopide in thee, be Y not schent with outen ende; delyuere thou me in thi riytfulnesse.
3 Bouwe doun thin eere to me; haaste thou to delyuere me. Be thou to me in to God defendere, and in to an hows of refuyt; that thou make me saaf.