Amor Fraternal

8 bifore alle thingis haue ye charite ech to other in you silf algatis lastynge; for charite couerith the multitude of synnes.

10 louynge togidere the charite of britherhod. Eche come bifore to worschipen othere;

34 Y yyue to you a newe maundement, that ye loue togidir, as Y louede you, and that ye loue togidir.

35 In this thing alle men schulen knowe, that ye ben my disciplis, if ye han loue togidere.

13 No man hath more loue than this, that a man putte his lijf for hise freendis.

8 And in feith alle of oon wille in preier be ye eche suffringe with othere, loueris of britherhod, merciful, mylde, meke;

9 But of the charite of britherhed we hadden no nede to write to you; ye silf han lerud of God, that ye loue togidere;

14 And vpon alle these thingis haue ye charite, that is the boond of perfeccioun.

37 Jhesus seide to him, Thou schalt loue thi Lord God, of al thin herte, and in al thi soule, and in al thi mynde.

38 This is the firste and the moste maundement.

39 And the secounde is lijk to this; Thou schalt loue thi neiyebore as thi silf.

8 Netheles if ye performen the kingis lawe, bi scripturis, Thou schalt loue thi neiybour as thi silf, ye don wel.

11 For this is the tellyng, that ye herden at the bigynnyng, that ye loue ech othere;

14 We witen, that we ben translatid fro deeth to lijf, for we louen britheren. He that loueth not, dwellith in deth.

10 In this thing is charite, not as we hadden loued God, but for he firste louede vs, and sente hise sone foryyuenesse for oure synnes.

11 Ye moost dere britheren, if God louede vs, we owen to loue ech other.

12 No man say euer God; if we louen togidre, God dwellith in vs, and the charite of hym is perfit in vs.

20 If ony man seith, that Y loue God, and hatith his brother, he is a liere. For he that loueth not his brothir, which he seeth, hou mai he loue God, whom he seeth not?

21 And we han this comaundement of God, that he that loueth God, loue also his brothir.

12 This is my comaundement, that ye loue togidere, as Y louede you.

8 To no man owe ye ony thing, but that ye loue togidere. For he that loueth his neiybore, hath fulfillid the lawe.

16 In this thing we han knowe the charite of God, for he puttide his lijf for vs, and we owen to putte oure lyues for oure britheren.

17 He that hath the catel of this world, and seeth that his brothir hath nede, and closith his entrailis fro hym, hou dwellith the charite of God in hym?

18 Mi litle sones, loue we not in word, nethir in tunge, but in werk and treuthe.

1 The charite of britherhod dwelle in you, and nyle ye foryete hospitalite;

2 for bi this summen plesiden to aungels, that weren resseyued to herborewe.

3 Thenke ye on boundun men, as ye weren togidere boundun, and of trauelinge men, as ye silf dwellinge in the body.

7 Moost dere britheren, loue we togidere, for charite is of God; and ech that loueth his brother, is borun of God, and knowith God.