38 But Y am certeyn, that nethir deeth, nether lijf, nether aungels, nethir principatus, nether vertues, nether present thingis, nether thingis to comynge, nether strengthe,
39 nether heiyth, nether depnesse, nether noon othir creature may departe vs fro the charite of God, that is in Crist Jhesu oure Lord.
16 Afterward we that lyuen, that ben left, schulen be rauyschid togidere with hem in cloudis, metinge Crist in to the eir; and so euere more we schulen be with the Lord.
17 Therfor be ye coumfortid togidere in these wordis.
1 The charite of britherhod dwelle in you, and nyle ye foryete hospitalite;
2 for bi this summen plesiden to aungels, that weren resseyued to herborewe.
1 If Y speke with tungis of men and of aungels, and Y haue not charite, Y am maad as bras sownynge, or a cymbal tynkynge.
16 And opynli it is a greet sacrament of pitee, that thing that was schewid in fleisch, it is iustified in spirit, it apperid to aungels, it is prechid to hethene men, it is bileuyd in the world, it is takun vp in glorie.
10 And whanne thei biheelden hym goynge in to heuene, lo! twei men stoden bisidis hem in white clothing, and seiden,
11 Men of Galile, what stonden ye biholdinge in to heuene? This Jhesu, which is takun vp fro you in to heuene, schal come, as ye seyn hym goynge in to heuene.
30 And the aungel seide to hir, Ne drede thou not, Marie, for thou hast foundun grace anentis God.
31 Lo! thou schalt conceyue in wombe, and schalt bere a sone, and thou schalt clepe his name Jhesus.
5 But the aungel answeride, and seide to the wymmen, Nyle ye drede, for Y woot that ye seken Jhesu, that was crucified;
6 he is not here, for he is risun, as he seide; come ye, and se ye the place, where the Lord was leid.
5 He that ouercometh, schal be clothid thus with whijt clothis; and Y schal not do awei his name fro the book of lijf, and Y schal knoueleche his name bifore my fadir, and bifore hise aungels.
53 Whether gessist thou, that Y may not preie my fadir, and he schal yyue to me now mo than twelue legiouns of aungels?
14 and seiynge, Glorie be in the hiyeste thingis to God, and in erthe pees be to men of good wille.
10 So Y seie to you, ioye schal be bifor aungels of God on o synful man doynge penaunce.
10 And the aungel seide to hem, Nyle ye drede; for lo! Y preche to you a greet ioye, that schal be to al puple.
20 But while he thouyte thes thingis, lo! the aungel of the Lord apperide in sleep to hym, and seide, Joseph, the sone of Dauid, nyle thou drede to take Marie, thi wijf; for that thing that is borun in hir is of the Hooli Goost.