Casa de Deus

4 God, al the erthe worschipe thee, and synge to thee; seie it salm to thi name.

16 And whanne Jacob hadde wakyd of sleep, he seide, Verili the Lord is in this place, and Y wiste not.

17 And he seide dredynge, Hou worschipful is this place! Here is noon other thing no but the hows of God, and the yate of heuene.

4 Yyue thou to hem vpe the werkis of hem; and vpe the wickidnesse of her fyndyngis. Yyue thou to hem vpe the werkis of her hondis; yelde thou her yeldyng to hem.

44 The tabernacle of witnessing was with oure fadris in desert, as God disposide to hem, and spak to Moyses, that he schulde make it aftir the fourme that he say.

45 Which also oure fadris token with Jhesu, and brouyten in to the possessioun of hethene men, whiche God puttide awey fro the face of oure fadris, til in to the daies of Dauid,

46 that fonde grace anentis God, and axide that he schulde fynde a tabernacle to God of Jacob.

47 But Salomon bildide the hous to hym.

48 But the hiy God dwellith not in thingis maad bi hoond,

49 as he seith bi the profete, Heuene is a seete to me, and the erthe is the stool of my feet; what hous schulen ye bilde to me, seith the Lord, ether what place is of my restyng?

50 Whether myn hoond made not alle these thingis?

12 And Jhesus entride in to the temple of God, and castide out of the temple alle that bouyten and solden; and he turnede vpsedoun the bordis of chaungeris, and the chayeris of men that solden culueris.

13 And he seith to hem, It is writun, Myn hous schal be clepid an hous of preier; but ye han maad it a denne of theues.

1 The Lord seith these thingis, Heuene is my seete, and the erthe is the stool of my feet. Which is this hous, which ye schulen bilde to me, and which is this place of my reste?

2 Myn hond made alle these thingis, and alle these thingis ben maad, seith the Lord; but to whom schal Y biholde, no but to a pore man and contrit in spirit, and greetli dredynge my wordis?

13 And the pask of Jewis was nyy, and Jhesus wente vp to Jerusalem.

14 And he foond in the temple men sillynge oxun, and scheep, and culueris, and chaungeris sittynge.

15 And whanne he hadde maad as it were a scourge of smale cordis, he droof out alle of the temple, and oxun, and scheep; and he schedde the money of chaungeris, and turnede vpsedoun the boordis.

16 And he seide to hem that selden culueris, Take awei fro hennus these thingis, and nyle ye make the hous of my fadir an hous of marchaundise.

17 And hise disciplis hadden mynde, for it was writun, The feruent loue of thin hous hath etun me.

19 Whether ye witen not, that youre membris ben the temple of the Hooli Goost, that is in you, whom ye han of God, and ye ben not youre owne?

10 Netheles his helthe is niy men dredynge him; that glorie dwelle in oure lond.

15 but if Y tarie, that thou wite, hou it bihoueth thee to lyue in the hous of God, that is the chirche of lyuynge God, a pilere and sadnesse of treuthe.

1 The title of the hundrid and two and twentithe salm. The song of grecis. To thee Y haue reisid myn iyen; that dwellist in heuenes.

6 but Crist as a sone in his hous. Which hous we ben, if we holden sad trist and glorie of hope in to the ende.

6 This is the generacioun of men sekynge hym; of men sekynge the face of God of Jacob.