A Comunhão
23 as we ben oon; Y in hem, and thou in me, that thei be endid in to oon; and that the world knowe, that thou sentist me, and hast loued hem, as thou hast loued also me.
44 And alle that bileueden weren togidre, and hadden alle thingis comyn.
45 Thei selden possessiouns and catel, and departiden tho thingis to alle men, as it was nede to ech.
46 And ech dai thei dwelliden stabli with o wille in the temple, and braken breed aboute housis, and token mete with ful out ioye and symplenesse of herte,
47 and herieden togidere God, and hadden grace to al the folk. And the Lord encreside hem that weren maad saaf, ech dai in to the same thing.
17 Yrun is whettid bi irun; and a man whettith the face of his frend.
2 Ech bere othere chargis, and so ye schulen fulfille the lawe of Crist.
34 Y yyue to you a newe maundement, that ye loue togidir, as Y louede you, and that ye loue togidir.
35 In this thing alle men schulen knowe, that ye ben my disciplis, if ye han loue togidere.
3 Therfor we tellen to you that thing, that we seyn, and herden, that also ye haue felowschipe with vs, and oure felowschip be with the fadir, and with his sone Jhesu Crist.
11 For which thing comforte ye togidere, and edefie ye ech other, as ye doon.
12 that ye be confermyd, that is, to be coumfortid togidere in you, bi feith that is bothe youre and myn togidere.
25 as it is of custom to sum men, but coumfortinge, and bi so myche the more, bi hou myche ye seen the dai neiyynge.
16 In this thing we han knowe the charite of God, for he puttide his lijf for vs, and we owen to putte oure lyues for oure britheren.
9 Therfor it is betere, that tweyne be togidere than oon; for thei han profite of her felouschipe.
10 If oon fallith doun, he schal be vndurset of the tothere; wo to hym that is aloone, for whanne he fallith, he hath noon reisynge him.
11 And if tweyne slepen, thei schulen be nurschid togidere; hou schal oon be maad hoot?
12 And if ony man hath maistri ayens oon, tweyne ayen stonden hym; a threfolde corde is brokun of hard.
10 Therfor while we han tyme, worche we good to alle men; but most to hem that ben homliche of the feith.